YaJakobe 4:2 - Siswati 1996 Bible

Niyafisa, noko anitfoli lutfo; niyabulala, nibe nemona, kodvwa niyehluleka kutfola lenikufunako. Niyalwa, nente timphi. Aninalutfo, ngobe aniceli.

YaJakobe 4:2 Referencias Cruzadas

1 Emakhosi 21:6

Wamphendvula watsi: “Kungenca ngobe ngitsite ngitsi kuNabothi waseJezreyeli: ‘Ngitsengisele sivini sakho, nome-ke nawutsandza ngikwenanisele ngalesinye sivini esikhundleni saso,’ yena wala watsi: ‘Ngingeke ngikunike sivini sami.’ ”

Taga 1:19

Tinjalo tindlela talabo labatfola ingcebo ngebugelekece; timphilo tabo titsatfwa bugelekece babo.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Isaya 7:12

Kodvwa Ahazi watsi: “Ngingeke ngisicele. Ngingeke ngivivinye Simakadze.”

Habakhuki 2:5

Yebo, liwayini liyamyenga, ungumuntfu lotigcabhako, futsi akasenakuphumula. Njengobe ungugubhela kusakhe njengelidliza nanjengekufa akaze eneliseke, utibutsela kuye tonkhe tive, atfumbe bonkhe bantfu, babe bakhe.

Johane 16:24

Sekuze ngunyalo anikaceli lutfo egameni lami. Celani nitawuphiwa, kuze kutfokota kwenu kuphelele.”

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.

YaJakobe 5:6

Nimlahlile nambulala umuntfu lolungile; kantsi akamelani nani.

1 yaJohane 3:15

Umuntfu lotondza umzalwane ungumbulali, nani-ke niyati kutsi kute umuntfu longumbulali lonekuphila lokuphakadze.