ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.
YaJakobe 3:17 - Siswati 1996 Bible Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa. |
ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.
Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.
Ngako-ke nika inceku yakho inhlitiyo lehlakaniphile nengcondvo lehlutekile lekwati kwehlukanisa lokuhle nalokubi, kuze yehlulele kahle lesive sakho. Ngobe ngubani nje longakhona kubusa lesive sakho lesikhulu kangaka?”
Shangatsi Simakadze angakupha kuhlakanipha kwebudvodza nekucondza kahle tintfo, nase akubeke kutsi ube ngumcondzisi wema-Israyeli, khona utekwati kugcina kahle imitsetfo yaSimakadze Nkulunkulu wakho.
Kodvwa noko utawutala indvodzana letawuba ngumuntfu wekuthula newekuphumula, futsi ngitamnika kuthula kuto tonkhe titsa takhe letibomakhelwane bakhe. Libito lakhe kuyawuba nguSolomoni. Ngiyawunika ema-Israyeli kuthula nenhlalakahle ekubuseni kwakhe.
NguNkulunkulu loyicondza kahle indlela leya kuko, futsi nguye yedvwa lowati lapho kuhlala khona kuhlakanipha.
Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”
Mosi wabita Besaleli, na-Oholiyabi, nawo onkhe emadvodza labenelikhono nalabephiwe nguSimakadze bungcweti nekuhlakanipha nalabetimisele kuwenta lomsebenti.
Uyakwehlulela emkhatsini wetive, acatulule imibango yetive letinyenti. Tona-ke tiyawukhandza tinkemba tato, titente tibe ngemakhuba, tikhali tato tibe tikelo tekutsena tihlahla. Sive singeke sihlasele lesinye ngenkemba, futsi tive tingeke tisaceceshelwa kulwa imphi.
Ngobe silima sikhuluma bulima, ingcondvo yaso ishikaneka ngalokubi, siphila ngekungamesabi Nkulunkulu, sisakate emanga ngaSimakadze; lolambile simshiya angenalutfo, kutsi nalowomile singamniki emanti.
Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.
Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo.
“Ngako-ke mine senginente nedzeleleka natfotjiswa embikwabo bonkhe bantfu, ngobe anikatilandzeli tindlela tami, kodvwa nine niyaye nikhetse bantfu nanisebentisa umtsetfo.”
Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,
Kanjalo nani nibonakala nilungile emehlweni ebantfu, kodvwa ngekhatsi nigcwele kutentisa nekuphambana nemtsetfo.”
ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.
Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.
Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”
Bhanabasi abengumuntfu lolungile agcwele Moya Longcwele nekukholwa. Bantfu labanyenti bengetekela eNkhosini.
EJopha kwakunemfati labelikholwa anguThabitha. Libito lakhe ngesiGriki kwakunguDokhasi, (lokusho kutsi “inyamatane”), abecitsa sonkhe sikhatsi sakhe ngekwenta lokuhle ngekusita timphuya.
Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.
Mine ngekwami ngenelisekile ngani, bazalwane bami, kutsi nine ngekwenu nigcwele kulunga, nagcwaliswa nangalo lonkhe lwati, niyakwati nekuyalana.
Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya,
Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.
nangekuhlanteka, nangelwati, nangekubeketela, nangemusa, nangaMoya Longcwele, nangelutsandvo lolujulile,
Ase nibuke nje kutsi lokudzabuka lokukwaNkulunkulu sekuveteni kini: Kukhutsala lokungaka, nekukwati kutiphendvulela, nekutfukutsela, nekwesaba, nekulangatelela, nenshisekelo, nekujezisa. Kuko konkhe senikhombise kutsi nite licala kulendzaba.
Lowo lonika inhlanyelo kumhlanyeli ephane ngesinkhwa sekudliwa, uyawuninika inhlanyelo aphindze ayente imile ikhule, asandzise nesivuno sekunikela kwenu ngekwephana.
Ngobe lapho kunekukhanya khona ngulapho kuvela khona konkhe lokuhle, nalokulungile, nalokuliciniso.
Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.
Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.
Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.
Noko, njengebaphostoli baKhristu, sasinalo lilungelo lekusebentisa bukhulu betfu, kodvwa saba mnene kini njengemfati anakekela bantfwabakhe.
Ngiyakuyalisisa, embikwaNkulunkulu, naKhristu Jesu, netingilosi letikhetsiwe, kutsi lemiyalo uyigcine ngebucotfo ungavuni muntfu; ungakhetsi muntfu.
Sisebenti seNkhosi asikafaneli kutsi silwe, kodvwa sifanele kutsi sibe mnene kubo bonkhe bantfu, sibe nelisu lekufundzisa, sibeketele,
Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.
Kubete lokhuluma kabi ngalomunye, bangabi tilwi, babeketele, bakhombise bumnene kubo bonkhe bantfu.
Ngobe ngesikhatsi sisayalwa kuvakala kubuhlungu kunekutsi kujabulise, noko kamuva sivuno saloko kuyalwa sibonakala sinesitselo sekuthula nesekulunga, kulabo labaceceshwe ngako.
Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.
Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.
Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.
Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.
Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.
Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.
Nine tisebenti, tfobelani baphatsi benu ngako konkhe kwesaba, hhayi labalungile nalabatfobekile kuphela, kodvwa nalabatiklokloklo.
Bantfwabami, asingatsandzi ngemavi nje emlomo kuphela, kodvwa asitsandze ngetento nangeliciniso.
Wonkhe umuntfu lonalo lelo tsemba kuKhristu uyatihlambulula, njengobe naKhristu ahlambulukile.