YaJakobe 1:11 - Siswati 1996 Bible

Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso.

YaJakobe 1:11 Referencias Cruzadas

2 Samuweli 22:46

Bonkhe baphelelwa ngemandla, beta bachachatela, baphuma emigedzeni yabo.

Tihlabelelo 102:11

Emalanga ami anjengesitfunti sentsambama, ngiyabuna njengetjani.

Tihlabelelo 102:4

Inhlitiyo yami ihashukile yabuna njengetjani. Angisadli, nekudla akusangeni, ngobe inhlitiyo yami imnyama.

Tihlabelelo 103:15

Emalanga emuntfu anjengetjani, uyabhahela njengembali yesiganga.

Tihlabelelo 37:2

Ngobe phela lababi bayawusheshe bashate njengetjani, babune njengembuya.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 90:6

nome ekuseni luyahluma luchakaze, kodvwa entsambama luyasikwa lubune.

Umshumayeli 5:15

Umuntfu uphuma angcunu esiswini senina, kanjalo nome asahamba, uyawuhamba angcunu. Kute layawukuphatsa ngesandla sakhe kuko konkhe lakusebentele.

Isaya 28:1

Maye kulowo mchele letitigabatisa ngawo tidzakwa taka-Efrayimu, nakuleyo mbali lebunako, bukhatikhati bebuhle bakhe lobumiswe enhloko yesigodzi lesivundzile; maye kulelo dolobha, ligcabho lalabo lasebalaliswa phansi liwayini!

Isaya 28:4

Leyo mbali lebunako, bukhatikhati bebuhle bakhe lobumiswe enhloko yesigodzi lesivundzile, iyawuba njengelikhiwa lelivutfwe kungakavunwa, lekutsi lowo nje lolibone kucala alikhe ngesandla sakhe, alifake emlonyeni, alimite masinyane.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Matewu 13:6

Latsi ngekuphuma lilanga lahashula titfombo tabuna, ngenca yekutsi tatite timphandze letijulile.

Matewu 20:12

batsi: ‘Laba bekugcina basebente li-awa linye nje, ubalinganiseleni natsi lesitfwele bumatima lobungaka, sashiswa nalilanga lasensimini?’

Matewu 6:30

Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

Makho 4:6

Kwefika lilanga labalela, latishisa letitfombo, tabuna ngobe timphandze tato tatingakashoni ngalokwenele.

1 kubaseKorinthe 7:31

nalabasebentisa lelive babe njengalabangalisebentisi, ngobe simo salelive siyendlula.

1 yaPhetro 1:4

Ngalo lelitsemba sinelifa lelingapheli, lelingenasici, nalelingaphuphi, lenilondvolotelwe lona ezulwini.

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.