Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.
Umshumayeli 4:1 - Siswati 1996 Bible Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti. |
Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.
“Bantfu bakhala bumayemaye ngaphansi kwemtfwalo wekucindzetelwa, bancusa kukhululwa kuwo umkhono walabanemandla.
Ase nicabangisise kabusha, ningangiphatsi ngalokungakafaneli. Ase nicabangisise kahle lendzaba, bucotfo bami sebusebucayini.
Live naliniketelwe etandleni tebantfu lababi, emehlo ebehluleli balo uyawaphumphutsekisa. Nakungesiye, ngubani-ke?
Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”
Nangicalata eceleni kwami, ngikhandza kutsi kute namunye longangisita, kute longivikelako, kute nalonginakile.
Tinyembeti tami tikudla kwami busuku nemini, ngobe lilanga lonkhe bantfu bangichwephesha batsi: “Kantsi ushonephi loNkulunkulu wakho?”
Ngikhuluma kuNkulunkulu ngitsi: “Dvwala lami, kwentiwa yini kutsi ungikhohlwe? Kungani ngihambe ngilila ngenca yekucindzetelwa sitsa?”
Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.
Bangiphakela inyongo esikhundleni sekudla; ekomeni kwami banginatsisa liwayini lelimunyu.
“Nanibelekisa bafati bemaHebheru, kubotsi luswane nalungumfana nilubulale, kodvwa naluyintfombatane ningalubulali.”
Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”
Nangabe umuntfu alahlwa bomnakabo ngenca yebuphuya bakhe, nakanjani nebangani bakhe batambalekela. Angetama kubawunga ngemavi, kodvwa angeke aphumelele.
Umholi lomubi lophuyile acindzetele labamphofu ufanana nesikhukhula selitulu leligcoba livungule.
Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.
Ngetulu kwaloko kukhona lokunye lengaphindze ngakubona lapha ngaphansi kwemtfunti welilanga: lapho kwakufanele kusebenta khona umtsetfo, kwasebenta umonakalo; lapho kwakufanele kusebente khona kulunga, kwasebenta umonakalo.
Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.
Ngempela, inkhohliso yenta umuntfu lohlakaniphile abe silima; umdizo wonakalisa inhlitiyo nengcondvo.
Konkhe loku ngakubona ngisacabangisisa ngako konkhe lokwenteka lapha ngaphansi kwemtfunti welilanga. Sikhona sikhatsi lapho umuntfu usuke atihlisibete etikwalabanye kantsi utilimata yena.
Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.
Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”
Tinyawo tabo tigijimela esonweni, bayashesha kucitsa ingati lengenacala. Imicabango yabo ngemacebo. Imbhubhiso nekucitsa kutimphawu tetindlela tabo.
Kute naloyawuphekela labo labafukeme kuze batewudvudvuteka, ngisho nalonguyise nome longunina, kute naloyawubanika sinatfo sekubadvudvuta.
“Nguloko lokungenta ngilile, nemehlo ami aphophota tinyembeti. Kute namunye losedvutane longidvudvutako, kute namunye longabuyisa umoya wami. Bantfwabami bahlutjuliwe, ngobe sitsa singehlulile.”
ISiyoni yelula tandla tayo, kodvwa kute namunye longayidvudvuta. Simakadze ushaye umtsetfo ngaJakobe kutsi bomakhelwane bakhe babe titsa takhe. IJerusalema seyigucuke yaba yintfo lesinengiso emkhatsini wabo.
Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.
Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”
Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”
Memetelani etigodlweni tase-Ashdodi nasetigodlweni taseGibhithe, nitsi: “Butsanani ndzawonye etintsabeni taseSamariya; bonani umsindvo lomkhulu losemkhatsini wayo kanye nekucindzetelwa lokukuyo.”
Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.
Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”
“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.
Kodvwa konkhe loku kwentekele kutsi kugcwaliseke loko lokwabhalwa baphrofethi emiBhalweni.” Bafundzi bakhe bonkhe bamshiya khona lapho, babaleka.
Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.
ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.
Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.
Jabini abenetincola tensimbi letatingema-900; wabusa sive sema-Israyeli ngelulaka nangesihluku iminyaka lengema-20. Ema-Israyeli akhala acela lusito kuSimakadze.