Umshumayeli 3:4 - Siswati 1996 Bible

sikhatsi sekukhala nesikhatsi sekuhleka, sikhatsi sekulila nesikhatsi sekugidza,

Umshumayeli 3:4 Referencias Cruzadas

Genesisi 21:6

Sara watsi: “Nkulunkulu ungiphe luhleko, bonkhe labayivako lendzaba bayawuhleka njengami.”

2 Samuweli 6:16

Latsi libhokisi lesivumelwane saSimakadze nalingena eDolobheni laDavide, Mikhali, indvodzakati yaSawula, wabukela, avele ngelifasitelo. Watsi nakabona inkhosi Davide igiya igcabashula embikwaSimakadze, wayedzelela enhlitiyweni yakhe.

Tihlabelelo 30:11

Ugucule kulila kwami kwaba ngumgidvo, ungikhumule ingubo yenzilo, wangembatsisa ngekungibopha ngenjabulo.

Tihlabelelo 30:5

Ngobe kutfukutsela kwakhe kuba kwesikhashana, kodvwa umusa wakhe uhlala ukhona njalo umuntfu asaphila. Tinyembeti tingaba khona ebusuku, kodvwa ngakusasa ekuseni kube kujabula.

Eksodusi 15:20

Miriyamu, umphrofethikati, labengudzadzewabo-Aroni, watsatsa umntjingo wawudlala ahlabela, bonkhe labasikati baphuma bamlandzela nabo baphetse tingubhu, bagidza.

Umshumayeli 3:5

sikhatsi sekusakata ematje nesikhatsi sekuwabutsa, sikhatsi sekugona nesikhatsi sekuchilita,

Umshumayeli 7:14

Natintfo tihamba kahle, tsakasa; kodvwa natintfo tingahambi kahle, khumbula naku: Nkulunkulu ukuvumela kutsi kwenteke kokubili. Ngako-ke umuntfu angeke akwati kubona lutfo ngelikusasa lakhe.

Isaya 40:1

“Badvudvuteni, dvudvutani bantfu bami,” kusho Nkulunkulu wenu.

Isaya 40:2

“Khulumani kahle kubaseJerusalema, nimemetele kubo kutsi umshikashika wabo wemsebenti sewuphelelisiwe, nekutsi licala lesono sabo selihlawulelwe, nekutsi sebatfole ngalokuphindziwe esandleni saSimakadze ngaletono tabo.”

Matewu 11:17

batsi: ‘Sanishayela tigubhu, anigidzanga; sahlabela tingoma tesililo, kodvwa anikhalanga.’

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

Lukha 1:58

Bomakhelwane netihlobo takhe beva kutsi iNkhosi imbusise kanganani, bajabula kanye naye.

KubaseRoma 12:15

Nijabule nalabajabulako, nikhale nalabakhalako.

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.