Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.
Umshumayeli 3:12 - Siswati 1996 Bible Ngiyati kutsi kute lokuncono ngaphandle kwekutsi bajabule baphile imphilo lekahle basesemhlabeni. |
Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.
Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.
Kute lokuncono umuntfu langakwenta ngaphandle kwekutsi adle anatse eneliseke ngemsebenti wakhe. Nako loku futsi ngikubona kuphuma esandleni saNkulunkulu,
Ngako ngetama kutijabulisa ngeliwayini, ngagona bulima. Kodvwa ingcondvo yami yayidvonswa kuhlakanipha. Ngangifuna kubona kutsi yini lokungukona kufanele kwentiwe bantfu lapha emhlabeni kulamalangana emphilo yabo.
Ngako ngase ngiyabona kutsi kute lokuncono kumuntfu ngaphandle kwekutsi atijabulise ngemsebenti wakhe lawentako, ngobe phela leso ngusona sabelo sakhe. Empeleni ngubani nje longamvusa kuze atewubona kutsi kutakwentekani nase afile?
Ngako mine ngincoma kutsi umuntfu kufanele atijabulise ngekuphila kwakhe, ngobe umuntfu ute lutfo loluhle lapha ngaphansi kwemtfunti welilanga, ngaphandle kwekutsi adle, anatse, atijabulise; ngobe loku kuyawuhlala kukuye kuwo wonkhe umshikashika wekuphila kwakhe, Nkulunkulu lamuphe wona lapha ngaphansi kwemtfunti welilanga.
Uyabasita labo labajabulela kwenta lokulungile, labatikhumbulako tindlela takho. Kodvwa tsine sachubeka sona, wena wasitfukutselela. Kepha siyawusindziswa kanjani?
Kodvwa banikeni labaphuyile lokusetinkomishini nemapuledini enu, konkhe kutabe kuhlambulukile kini.
Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”
Kodvwa niyawutidlela embikwaSimakadze Nkulunkulu wenu endzaweni leyawukhetfwa nguSimakadze Nkulunkulu wenu, nine nemadvodzana enu, nemadvodzakati enu, netisebenti tenu letidvuna naletisikati, kanye nemaLevi lahlala emadolobheni enu. Niyawujabula embikwaSimakadze Nkulunkulu wenu kuko konkhe leniyawukwenta.
Ngulapho-ke lapho niyawudlela khona nine nemindeni yenu, nijabule embikwaSimakadze ngako konkhe lenabeka sandla senu kuko, ngobe Simakadze Nkulunkulu wenu anibusisile.
Ngako nine nemaLevi nebetive labahlala emkhatsini wenu niyakujabula ngako konkhe lokuhle Simakadze Nkulunkulu wenu laniphe kona nine kanye nemindeni yenu.
Njengobe kwamjabulisa Simakadze kutsi aniphumelelise nandze nibe banyenti ngesibalo, kuyawumjabulisa futsi kutsi anibhidlite ninciphe nize niphele. Niyawuzishulwa kulelo live leningena kulo kutsi libe lenu.