Umshumayeli 3:11 - Siswati 1996 Bible

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

Umshumayeli 3:11 Referencias Cruzadas

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Jobe 11:7

“Ungakucondza yini kujula kwetimfihlakalo taNkulunkulu? Ungafinyelela yini emikhawulweni yaSomandla?

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 104:24

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Taga 16:4

Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Umshumayeli 1:13

Ngatimisela kutsi ngekuhlakanipha ngifundze ngiphenyisise ngako konkhe lokwentiwa emhlabeni. Maye, mkhulu umtfwalo Nkulunkulu lawetfwese bantfu!

Umshumayeli 11:5

Njengobe ungati kutsi umoya uvelaphi, nekutsi kwenteka kanjani kutsi umfati lotetfwele abe nemtimba lonemoya lophilako esiswini sakhe, kanjalo ungeke wati kutsi Nkulunkulu uMdali wako konkhe, usebenta kanjani.

Umshumayeli 7:13

Cabangisisa ngemisebenti yaNkulunkulu. Ngubani longacondzisa loko lakwenta kwaba sigwegwe?

Umshumayeli 7:23

Konkhe loku ngakuhlolisisa ngekuhlakanipha, ngase ngitsi: “Ngitimisele kuba ngulohlakaniphile,” kodvwa loko bekungetulu kwemandla ami.

Umshumayeli 7:29

Naku kuphela lengikutfolile: kutsi Nkulunkulu wadala umuntfu, wamenta waba ngulocondzile, kodvwa bantfu besuka bayawufuna emachinga abo lamanyenti.”

Umshumayeli 8:17

ngayibona yonkhe imisebenti yaNkulunkulu kutsi umuntfu angeke ayicondze yonkhe imisebenti leyentiwako lapha ngaphansi kwemtfunti welilanga. Nome umuntfu angatihlupha kangakanani afunisisa, angeke ayicondze; nome lohlakaniphile angatsi yena uyati, angeke ayicondze.

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Makho 7:37

Bamangala kakhulu batsi: “Lomuntfu utenta kahle tonkhe tintfo. Wenta labangeva beve, nalabangakhulumi bakhulume!”

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.