Umshumayeli 10:12 - Siswati 1996 Bible

Emavi laphuma emlonyeni wemuntfu lohlakaniphile amentela ludvumo, kodvwa silima sidliwa tindzebe taso.

Umshumayeli 10:12 Referencias Cruzadas

2 Samuweli 1:16

Ngobe Davide abetsite kuye: “Ingati yakho itawubasetikwakho. Nemlomo wakho ukulahla ngebufakazi, nawutsi: ‘Ngibulele logcotjiwe waSimakadze.’ ”

Jobe 16:5

Kodvwa umlomo wami bewunganikhutsata. Indvudvuto lebeyingaphinyiselwa tindzebe temlomo wami beyingaba kuphumula emiphefumulweni yenu.

Tihlabelelo 140:9

Labo labangitungeletile labatigcabhako bubi labasongela kubenta kimi abehlele kubo.

Tihlabelelo 37:30

Tindzebe talolungile tikhuluma inhlakanipho, lulwimi lwakhe lukhuluma loko lokufanele.

Tihlabelelo 64:8

Lulwimi lwabo luyawubabhubhisa, bonkhe labababonako bayawunikina tinhloko.

Taga 10:10

Umuntfu loficelana liso lebucili uvisana buhlungu; kodvwa losheshe ekhute lokubi usebentela kuthula.

Taga 10:8

Umuntfu lohlakaniphile uyakwemukela kuyalwa; kodvwa lowo lokhulumela futsi uyawukhubeka, awe.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Taga 15:2

Emavi emuntfu lohlakaniphile enta lwati lutsandzeke; kodvwa tilima titfulula bulima ngemlomo wato.

Taga 15:23

Umuntfu uyajabula nakanika imphendvulo lengiyo. Maye! Kuhle kunika imphendvulo lefanele ngesikhatsi lesifanele!

Taga 19:5

Fakazi locala emanga uyawujeziswa, nalokhuluma emanga angeke asindze ekujezisweni.

Taga 22:11

Umuntfu lotsandza kuhlanteka kwenhlitiyo nenkhulumo lenemusa uyawuba ngumngani wenkhosi.

Taga 26:9

Njengesidzakwa nasikhipha linyeva esandleni, anjalo emavi lahlakaniphile nasemlonyeni wesilima.

Taga 31:26

Ukhuluma kuhlakanipha, lulwimi lwakhe lugcwele teluleko temusa.

Umshumayeli 12:11

Taga tebantfu labahlakaniphile tinemavi lakhalipha njengentjumentju yemelusi, nanjengetipikili letishayelwe tacina, tinjalo taga natihlanganiswe ndzawonye, ngobe bavela kumelusi munye.

Umshumayeli 4:5

Silima sigoca tandla, silambe size sife.

Umshumayeli 5:2

Ungasheshi ukhulume ngemlomo wakho, ungabi nematata enhlitiyweni yakho kutsi ukhulume nome yini kuNkulunkulu. Nkulunkulu usezulwini, wena usemhlabeni, ngako emavi akho akabe mbalwa.

Umshumayeli 5:6

Ungawuvumeli umlomo wakho kutsi ukuholele esonweni, bese ukhuluma engilosini yaNkulunkulu utsi: “Cha, loko ngikushito ngesiphosiso.” Kudzingeke ngani kutsi Nkulunkulu aze atfukutseliswe ngemavi akho nekutsi yonkhe imisebenti yakho ibe lite kuye?

Umshumayeli 9:17

Umuntfu lohlakaniphile lokhuluma inhlitiyo yakhe ngalelipholile kuncono alalelwe kakhulu kunekulalela umphatsi lolibala kumemeta, anika imiyalo etilimeni.

Matewu 12:35

Umuntfu lolungile ukhipha lokulungile engungwini yakhe lelungile; nemuntfu lomubi ukhipha lokubi engungwini yakhe lembi.

Lukha 19:22

Yase itsi lenkhosi kuso: ‘Wena sisebenti lesibi, ngitakulahla ngelicala ngemavi akho! Uyati kutsi ngingumuntfu lonelulaka, ngitsatsa lokungesiko kwami, ngivune lapho ngingazange ngihlanyele khona!

Lukha 4:22

Bonkhe bantfu batsatseka ngaye bamangala ngalamagama lamahle lawakhuluma batsi: “Akusiye umsa waJosefa yini lona?”

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

KubaseKholose 4:6

Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.