Tikhulu 9:13 - Siswati 1996 Bible

“Kodvwa lomvini waphendvula, watsi: ‘Ngingacala ngilahle leliwayini lami lelingulona lijabulisa bonkulunkulu nemadvodza, ngiyewuhamba ngintengetela etikwetihlahla?’

Tikhulu 9:13 Referencias Cruzadas

Tihlabelelo 104:15

neliwayini lelijabulisa tinhlitiyo tabo, nemafutsa ekugcobisa buso bakhe buze bucwebetele, nekudla lokuyinsika yemphilo yemuntfu.

Taga 31:6

Tjwala bebantfu labafako kanye nalabo labaselusizini.

Umshumayeli 10:19

Lidzili lentelwa injabulo, neliwayini lenta kutsi kutsakaswe; kodvwa imali iyimphendvulo yako konkhe.

Umshumayeli 2:3

Ngako ngetama kutijabulisa ngeliwayini, ngagona bulima. Kodvwa ingcondvo yami yayidvonswa kuhlakanipha. Ngangifuna kubona kutsi yini lokungukona kufanele kwentiwe bantfu lapha emhlabeni kulamalangana emphilo yabo.

Numeri 15:10

kanye neliwayini lelingemalitha langaba mabili, lemnikelo walokunatfwako kube ngumnikelo lowentiwa ngemlilo, liphunga lelinuka lusi lolumnandzi kuSimakadze.

Numeri 15:5

Lungisa liwayini lelingaba yilitha ngelizinyane lemvu, libe ngumnikelo wekushiswa nome wemhlatjelo, kutsi liwayini libe ngumnikelo wesinatfo.

Numeri 15:7

kunikelwe kanye neliwayini lelingaba yilitha nencenye, kube ngumnikelo wesinatfo. Kunikele kube liphunga lelinuka lusi lolumnandzi kuSimakadze.

Tikhulu 9:12

“Tihlahla tase tikhuluma esihlahleni semvini, titsi: ‘Kota, utewuba yinkhosi yetfu.’

Tikhulu 9:14

“Ekugcineni tonkhe tihlahla takhuluma esihlahleni semanyeva, tatsi: ‘Kota, utewuba yinkhosi yetfu.’