Tikhulu 4:16 - Siswati 1996 Bible

Kodvwa Bharaki wacosha tincola kanye nayo yonkhe imphi, waze wayawufika eHaroshethi Hagoyimu. Onkhe emabutfo aSisera awa ngelusiko lwenkemba, kwabate ngisho namunye lowaphunyuka.

Tikhulu 4:16 Referencias Cruzadas

Tihlabelelo 104:35

Shangatsi toni tingasishulwa emhlabeni, lababi bangabe basaphushwa nakuphushwa. Mphefumulo wami, dvumisa Simakadze! Dvumisa Simakadze!

Tihlabelelo 83:10

labo lababhubha ngasemtini wase-Eni Dori; bawa njengebulongo, babola baze baba ngumcuba.

Tihlabelelo 83:9

Baphatse ngesandla lowaphatsa ngaso emaMidiyani, naSisera, naJabini ngasemfuleni iKhishoni,

Eksodusi 14:28

Emanti abuya ambonya tincola temphi, nebagibeli bemahhashi, nawo onkhe emabutfo aFaro labecosha ema-Israyeli. Kute nome munye lowasindza.

Isaya 43:17

lowadvonsa tincola temphi kanye nemahhashi, emabutfo nemachawe onkhe kanyekanye kwalala khona lapho, akuyiwuphindze futsi kuvuke, kwacinywa, kwaphuphutfwa njengentsambo yesibane.

KubaseRoma 2:12

Bonkhe labone bate umtsetfo bayawubhujiswa ngaphandle kwemtsetfo, nalabo labone banemtsetfo bayakwehlulelwa ngemtsetfo.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Joshuwa 10:10

Simakadze wabatsela ngeluvalo, besaba ema-Israyeli. Ema-Israyeli awehlula ema-Amori, awancoba ngelusiko lwenkemba emphini yaseGibeyoni, abacosha abenyusa ngendlela yaseBhethi Horoni, abaphetse abagwaza kwaze kwabase-Azekha, naseMakheda.

Joshuwa 11:8

Simakadze wabaniketela esandleni sema-Israyeli. Ema-Israyeli abehlula abacosha, aze abashonisa eSidoni Lenkhulu, naseMisrefothi Mayimu, naseSihosheni saseMispa ngasemphumalanga, kwaze kwabate nome munye lowaphunyula.

Tikhulu 4:17

Noko Sisera yena wabaleka ngetinyawo, waze wayawungenisa ethendeni lakaJayeli, umfati waHebere, umKheni, ngobe kwakunebudlelwane emkhatsini waJabini, inkhosi yaseHasori, nelusendvo lwakaHebere, umKheni.

Tikhulu 4:2

Ngako Simakadze wawanikela kuJabini, inkhosi yaseKhenani, labebusa eHasori. Indvuna yemphi yakhe kwakunguSisera, labehlala eHaroshethi Hagoyimu.