Tikhulu 3:10 - Siswati 1996 Bible Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula. |
Moya wabe sewehlela ku-Amasayi, lowabe sewuyabekwa kutsi abe ngumholi walabangema-30, watsi: “Davide, msa waJese, tsine sibakho! Sihambisana nawe! Imphumelelo! Nalabo labakusitako ababe nemphumelelo! Ngobe Nkulunkulu wakho utakusita.” Davide wavele wabemukela, wababeka baba baholi bemabutfo akhe ekuhlasela.
Moya waSimakadze wehlela kuJahaziyeli, umsa waZakhariya, umsa waBhenaya, umsa waJeyiyeli, umsa waMathaniya, umLevi, labewesitukulwane sa-Asafa, asemile kulelo bandla.
Ngitakwehla ngitewukhuluma nawe lapho, ngitsatse lokunye lokukwaMoya lokukuwe ngikunike bona. Batakusita ekwetfwaleni umtfwalo walesive kanye nawe, khona ungetikwetfwala wedvwa.
Simakadze wase uyehla asekhatsi efini, wakhuluma naye. Wase utsatsa lokunye kwaMoya lokwakukuMosi, wakubeka etikwalabaholi labangema-70. Watsi kube Moya ahlale etikwalabaholi, baphrofetha, kodvwa abazange baphindze baphrofethe.
Mosi wamphendvula, watsi: “Unemona yini ngami? Ngifisa shangatsi sonkhe sive saSimakadze ngabe sibaphrofethi nekutsi Simakadze abeke Moya wakhe kuso.”
Bhalamu watsi uyabuka wabona ema-Israyeli emisile, sive ngesive, Moya waNkulunkulu wehlela etikwakhe,
Ngako-ke Simakadze wakhuluma kuMosi, watsi: “Tsatsa Joshuwa, umsa waNuni, indvodza lenaMoya, umbeke sandla.
Kukhona labake bakhanyiselwa, banambitsa sipho sasezulwini, badzimate baba nesabelo saMoya Longcwele.
Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.
naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.
Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.
Moya waSimakadze wehlela etikwakhe ngemandla lamakhulu kangangekutsi lelibhubesi walibamba walidladlabula ngetandla takhe, kwaba shangatsi udladlabula lizinyane lembuti. Kodvwa akazange abatjele boyise nenina kutsi sewenteni endleleni yakhe.
Kwatsi asasondzela eLehi, emaFilisti eta kuSamsoni amemeta. Moya waSimakadze wehlela kuye ngemandla, kwatsi letindophi letatisetandleni takhe, tafanana netintsambo letishiswa ngumlilo, tibopho tadzilika etandleni takhe.
Intfukutselo yaSimakadze yavutsela bema-Israyeli kangangekutsi wawatsengisa etandleni taKhushani Rishathayimu, inkhosi yaseMesophothamiya, lowagcilata ema-Israyeli iminyaka lesiphohlongo.
Moya waSimakadze wehlela etikwaGideyoni; Gideyoni washaya licilongo atjela baka-Abiyezeri kutsi bamlandzele.
Batsi nabefika eGibeya, ludvwendvwe lwebaphrofethi lwahlangana naSawula; Moya waNkulunkulu wehlela etikwakhe ngemandla lamakhulu, naye wase uhlanganyela nabo ekuphrofetheni.
Moya waSimakadze utakwehlela etikwakho ngemandla lamakhulu, nawe uyawube sewuphrofetha kanye nabo. Uyawugucuka ube ngulomunye umuntfu.
Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.
Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.