Tikhulu 19:1 - Siswati 1996 Bible

Ngaleso sikhatsi sive saka-Israyeli sasite inkhosi. Lomunye-ke umLevi labehlala endzaweni lesemaphandleni, eveni letintsaba kulaka-Efrayimu, waganwa watitsatsela nesingani saseBhetlehema kulakaJuda.

Tikhulu 19:1 Referencias Cruzadas

Genesisi 22:24

Ngetulu kwaloko umfati lomunye waNahori lekwakutsiwa nguRewuma watala boTheba, naGahamu, naThahashi, naMakha.

Genesisi 25:6

Kodvwa emadvodzana alabanye bafati bakhe wabapha tipho, watsi asaphila nje wawasusa kulendvodzana yakhe Isaka, wawabhekisa ngasemphumalanga nelive.

Genesisi 35:19

Rakheli wafa wangcwatjwa eceleni kwemgwaco loya e-Efratha, lendzawo leseyatiwa ngekutsi yiBhetlehema.

2 Samuweli 16:22

Ngako kwase kumiselwa Absalomu lithende etulu eluphahleni lwesigodlo sakhe, wase ulala nalamaphovela eyise embikwawo onkhe ema-Israyeli abuka.

2 Samuweli 19:5

Jowabe wangena ekamelweni enkhosini, watsi: “Lamuhla uwajabhisile onkhe emabutfo akho, emadvodza lasindzise imphilo yakho nemphilo yemadvodzana akho, neyemadvodzakati akho, nemphilo yaso sonkhe sigodlo sakho kanye neyemaphovela akho.

2 Samuweli 20:3

Davide watsi kube efike esigodlweni sakhe eJerusalema, wabutsa lamaphovela akhe labewashiyele kutsi sale anakekela lesigodlo, wawangenisa endlini watsi akagadvwe. Abewanakekela ngato tonkhe tidzingo tawo, kodvwa akazange aphindze aweyame. Abehlala avalelwe kuleso simo, kwaze kwaba lilanga lawo lekufa, aphila njengebafelokati.

2 Samuweli 3:7

Sawula abenesingani, libito laso kunguRispha, indvodzakati ya-Aya. Ishboshethi wabuta Abneri, watsi: “Ulaleleni nesingani sababe?”

2 Samuweli 5:13

Watsi kube esuke eHebroni, Davide watsatsa labanye bafati, waba netingani letinye nasaseJerusalema, watalelwa emadvodzana nemadvodzakati lamanyenti.

1 Emakhosi 11:3

Abenemakhosikati labengema-700 labetalwa ngemakhosi. Tingani takhe tatingema-300. Emakhosikati akhe amphambukisa.

1 Emakhosi 4:8

Lawa-ke ngemabito ato letikhulu: Bheni Huri abesikhulu saseveni letintsaba, kulaka-Efrayimu.

2 Tikhronike 11:21

Rehobowamu watsandza Makha, indvodzakati ya-Absalomu, kwendlula onkhe emakhosikati kanye netingani takhe. Emakhosikati akhe abeli-18 asawonkhe, tingani takhe tatingema-60, anemadvodzana langema-28 nemadvodzakati langema-60.

Esta 2:14

Kwakutsi ntsambama intfombatana ingene enkhosini, bese kutsi ekuseni nayivuka khona ingeniswe kulesinye sigodlo lapho bebagadvwa khona nguShashgazi, labeyindvuna yemaphovela. Abengeke aphindze abuyele enkhosini ngaphandle kwekutsi inkhosi loyo leyayimtsandzile imgagule ngelibito.

Danyela 5:3

Ngako-ke baletsa letindzebe tegolide letatitsetfwe ethempelini laNkulunkulu eJerusalema, kwase kutsi inkhosi, netindvuna tayo, nebafati bayo, nemaphovela ayo banatsa ngato.

Malakhi 2:15

Simakadze akabenti baba munye yini? Enyameni nasemoyeni bakhe. Bamunye leni? Ngobe abefuna bantfwana labesaba Nkulunkulu. Ngako tilindze wena emoyeni wakho, wetsembeke kumfati webusha bakho.

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Joshuwa 24:30

Bamngcwaba eveni lekulifa lakhe, eThimnathi Sera eveni letintsaba kulaka-Efrayimu, enyakatfo neNtsaba iGashi.

Joshuwa 24:33

Eleyazare, umsa wa-Aroni, wafa wangcwatjwa eGibeya, live lelalabelwe umsa wakhe, Finehasi, eveni letintsaba kulaka-Efrayimu.

Tikhulu 12:8

EmvakwaJeftha kwavela Ibsani waseBhetlehema, waba ngumholi wema-Israyeli.

Tikhulu 17:1

Kwakukhona indvodza lekwakutsiwa nguMikha, libito layo; yayiyaseveni letintsaba kulaka-Efrayimu,

Tikhulu 17:6

Ngaleto tikhatsi sive sema-Israyeli sasingenayo inkhosi, wonkhe umuntfu abetentela lakubona loko kukuhle emehlweni akhe.

Tikhulu 17:7

Lenye insizwa yemndeni wakaLevi leyayiphuma eBhetlehema kulakaJuda, beyikadze ihlala nelusendvo lwakaJuda,

Tikhulu 17:8

yesuka kulelo dolobha yahamba yayawufuna lenye indzawo yekuhlala. Yatsi isahamba indlela yayo, yefika ekhaya lakaMikha, eveni letintsaba kulaka-Efrayimu.

Tikhulu 18:1

Ngaleso sikhatsi sive saka-Israyeli sasite inkhosi. Kungatona leto tikhatsi lapho sive sakaDani sasehla senyuka, sifuna indzawo lapho sasingahlala khona, sakhe, ibe yindzawo yaso; ngobe sona sasingakasitfoli sabelo saso etiveni taka-Israyeli.

Tikhulu 18:13

Besuka lapho bashuca baze befika eveni letintsaba kulaka-Efrayimu, bafikela kaMikha.

Tikhulu 19:16

Ngaleyo ntsambama kwachamuka likhehla, lelalilaseveni letintsaba laka-Efrayimu, lalihlala lapha eGibeya, bantfu bakuleyo ndzawo bekubakaBhenjamini. Lelikhehla lalitibuyela emasimini alo.

Tikhulu 19:2

Kodvwa lesingani sakhe sasingaketsembeki kuye. Samshiya sabuyela ekhaya kubo eBhetlehema kulakaJuda. Sahlala lapho kwaze kwaphela tinyanga letine,

Tikhulu 21:25

Ngaleto tikhatsi sive sema-Israyeli sasingenayo inkhosi, ngulowo nalowo abetentela loko lakubona kukuhle emehlweni akhe.

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.