Tikhulu 18:8 - Siswati 1996 Bible

Atsi nasabuyela emuva eSora nase-Eshtayoli, bantfu bakubo bawabuta batsi: “Nitikhandze tinjani tintfo?”

Tikhulu 18:8 Referencias Cruzadas

Joshuwa 15:33

Ematsafeni kwaba ngulawa: Kwakuyi-Eshtayoli, neSora, ne-Ashna,

Tikhulu 13:2

Kwakukhona lenye indvodza yaseSora lekwakunguManowa, libito layo, iyesive sakaDani. Lendvodza yayinemfati loyinyumba, angenabantfwana.

Tikhulu 16:31

BomnakaboSamsoni nayo yonkhe indlu yakubo behla bayawumlandza. Babuya naye, bamngcwaba emkhatsini waseSora nase-Eshtayoli, ethuneni laManowa, uyise. Samsoni abesahole sive sema-Israyeli iminyaka lengema-20.

Tikhulu 18:11

Ngako kwahloma emadvodza langema-600, esive sakaDani, ahlomela imphi, ashuca onkhe esuka eSora nase-Eshtayoli.

Tikhulu 18:2

Ngako sive sakaDani satfumela tingwazi letisihlanu, tisuka eSora nase-Eshtayoli, kutsi tiyewuhlola live tilitfungatse. Letingwazi tatimelele tonkhe tinsendvo tato. Bakubo batitjela batsi: “Hambani niyewuhlola lelive, nilitfungulute lonkhe.” Lamadvodza alingenela live letintsaba laka-Efrayimu, aze efika ekhaya kaMikha, lapho efika alala khona.

Tikhulu 18:7

Ngako lamadvodza lasihlanu ahamba aze efika kulaseLayishi, lapho efika akhandza kutsi bantfu bakhona baphila kahle nangekuphepha, njengebaseSidoni, babengasoli lutfo futsi bavikelekile. Njengobe-ke lelive labo lalingesweli lutfo, babesive lesiphumelelako. Babehlala khashane kakhulu nebaseSidoni, bangenabo ngisho lobuncane budlelwane nalabanye bantfu.

Tikhulu 18:9

Abaphendvula atsi: “Asihambeni sibahlasele! Sesibonile kutsi lelive lihle kakhulu. Anisiwulibala kuhlala lapha ningenti lutfo. Buyani silihlasele silidle.