Tikhulu 18:10 - Siswati 1996 Bible

Nanifika lapho, nitawukhandza kutsi bantfu bakhona abasoli lutfo, ngisho naloluncane. Lelo-ke live lelikhulu leninako konkhe lokungahle kudzingwe ngumuntfu, Nkulunkulu ulinike nine.”

Tikhulu 18:10 Referencias Cruzadas

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Hezekeli 20:6

Ngalelo langa ngafunga kubo kutsi ngiyawubakhipha eGibhithe, ngibayise eveni lengilicingele bona, live leligcwele lubisi neluju lwetinyosi, live lelihle kwendlula onkhe lamanye emave.

Dutheronomi 2:29

njengobe kwenta titukulwane taka-Esawu letihlala eSeyiri, nanjengobe kwenta emaMowabi lahlala e-Ari, size sewelele ngesheya kweJordane, eveni lasinika lona Simakadze Nkulunkulu wetfu.’

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

Joshuwa 2:23

Letinhloli letimbili tehla etintsabeni setincandzeka, tewela tabuyela kuJoshuwa, umsa waNuni, tafike tamlandzisa yonkhe indzaba nangako konkhe lokwativelela.

Joshuwa 2:24

Letinhloli takhuluma kuJoshuwa, tatsi: “Ngempela Simakadze lonkhe lelive ulinikele etandleni tetfu; bonkhe bantfu bakulelive bayatfutfumela ngatsi.”

Joshuwa 6:16

Ngesikhatsi sebatungeleta kwesikhombisa, nebaphristi sebashaya kakhulu emacilongo, Joshuwa watjela sive sonkhe, watsi: “Memetani kakhulu! Ngobe Simakadze sewuninikile lelidolobha.

Tikhulu 18:11

Ngako kwahloma emadvodza langema-600, esive sakaDani, ahlomela imphi, ashuca onkhe esuka eSora nase-Eshtayoli.

Tikhulu 18:27

Ngako bavele batsatsa loko lokwakubunjwe nguMikha kanye nemphristi wakhe, baya naye eLayishi. Bafike bahlasela sive lesinekuthula nalesingasoli lutfo, basigwaza ngetinkemba, bashisa nelidolobha laso.

Tikhulu 18:7

Ngako lamadvodza lasihlanu ahamba aze efika kulaseLayishi, lapho efika akhandza kutsi bantfu bakhona baphila kahle nangekuphepha, njengebaseSidoni, babengasoli lutfo futsi bavikelekile. Njengobe-ke lelive labo lalingesweli lutfo, babesive lesiphumelelako. Babehlala khashane kakhulu nebaseSidoni, bangenabo ngisho lobuncane budlelwane nalabanye bantfu.

Tikhulu 18:9

Abaphendvula atsi: “Asihambeni sibahlasele! Sesibonile kutsi lelive lihle kakhulu. Anisiwulibala kuhlala lapha ningenti lutfo. Buyani silihlasele silidle.