Tikhulu 12:8 - Siswati 1996 Bible EmvakwaJeftha kwavela Ibsani waseBhetlehema, waba ngumholi wema-Israyeli. |
Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”
Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,
Wawufaka ekhatsi iKhathathi, neNahalali, neShimironi, neJidala, neBhetlehema. Kwaba ngemadolobha lali-12 akanye nemiti yawo.
Emvakwekufa kwa-Abimeleki kwavela indvodza yelusendvo lwaka-Isakhari lekwakutsiwa nguThola, umsa waPhuwa, labetalwa nguDodo. Yawasindzisa ema-Israyeli. Abehlala eShamiri, eveni letintsaba kulaka-Efrayimu.
Jeftha wahola sive sema-Israyeli iminyaka lesitfupha. Jeftha, labengumGileyadi, wafa, wangcwatjwa edolobheni lakaGileyadi.
Abenemadvodzana langema-30 nemadvodzakati langema-30. Lamadvodzakati akhe wawendzisela letinye tinsendvo letatingesilo lusendvo lwakhe, nalamadvodzana akhe wawatsatsela bafati ngaphandle kulababengesibo belusendvo lwakhe. Ibsani wahola sive sema-Israyeli iminyaka lesikhombisa.
Lenye insizwa yemndeni wakaLevi leyayiphuma eBhetlehema kulakaJuda, beyikadze ihlala nelusendvo lwakaJuda,
Ngaleso sikhatsi sive saka-Israyeli sasite inkhosi. Lomunye-ke umLevi labehlala endzaweni lesemaphandleni, eveni letintsaba kulaka-Efrayimu, waganwa watitsatsela nesingani saseBhetlehema kulakaJuda.
Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”