Tikhulu 11:10 - Siswati 1996 Bible Tibondza takaGileyadi tamphendvula, tatsi: “Simakadze ungufakazi wetfu, ngempela sitakwenta njengobe usho.” |
Sarayi wakhuluma ku-Abrama watsi: “Nguwe lofanele kulungisa letintfo lesetonakala. Ngimi lengakunika loHagari, kodvwa utsite kube abone kutsi sewukhulelwe, wase uyangedzelela. Simakadze akasehlulele abone kutsi ngubani lowonile emkhatsini wakho nami.”
Ngako ase ufunge la kimi embikwaNkulunkulu kutsi ungeke ungiyenge mine, nebantfwabami, netitukulwane tami, kepha ngekwemusa wami lengiwente kuwe, wente nakimi nakulo lelive lokhosele kulo.”
Nawuwaphatsa kabi lamadvodzakati ami nome sewutsatsa labanye bafati ngaphandle kwawo nome ungabonwa ngumuntfu, kodvwa ubokhumbula kutsi Nkulunkulu ungufakazi emkhatsini wetfu sobabili.”
Nkulunkulu wa-Abrahama naNkulunkulu waNahori, utakwehlulela emkhatsini wetfu.” Ngako-ke Jakobe wafunga ngaNkulunkulu weyise Isaka, wagomela kutsi utasigcina lesetsembiso.
“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.
Ngobe babente intfo lesinengiso kabi ka-Israyeli, baphinga nebafati babomakhelwane babo, bakhuluma emanga ngeLibito lami, lengangingazange sengibatfume kutsi bakwente. Ngiyakwati loko futsi ngingufakazi wako,’ kusho Simakadze.”
Ngako base bakhuluma kuJeremiya, batsi: “Shangatsi Simakadze angaba ngufakazi loneliciniso nalowetsembekile lotawuphambana natsi, nasingakwenti ngendlela lengiyo konkhe Simakadze longuNkulunkulu wakho lakutfume kona kutsi usitjele.
Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.
Simakadze longuSomandla utsi: ‘Ngiyawutfumela lesicalekiso, siyewungena endlini yelisela nasendlini yalowo lofungela emanga ngeLibito lami. Siyawuhlala lapha endlini yakhe siyibhubhise kanye netigodvo nematje ayo.’ ”
“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.
Nkulunkulu lengimkhonta ngemoya wami wonkhe ngekushumayela liVangeli leNdvodzana yakhe ungufakazi wami wekutsi nginikhumbula kangakanani emithandazweni yami onkhe emalanga.
Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.
“Labaholi ngabayala ngaso leso sikhatsi ngatsi: ‘Hlolisisani imibango yalabanakenu, bese nehlulela ngekungakhetsi, nome licala lisemkhatsini wema-Israyeli nome lisemkhatsini wema-Israyeli newetive.
Jeftha watiphendvula watsi: “Naningibuyisa ekhaya siyekulwa nema-Amoni, nakungenteka Simakadze awanikele kimi, nitangenta ngempela yini umholi wenu?”
Samuweli wakhuluma kubo, watsi: “Simakadze ngufakazi lomelene nani, kantsi nalogcotjiwe wakhe ungufakazi lamuhla nje kutsi anikatfoli cala etandleni tami.” Nabo batsi: “Ungufakazi.”
Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.