“Tfutfumelani embikwakhe, mhlaba wonkhe! Yebo, umhlaba usinyisiwe, ungeke utanyatanyiswe.
Tihlabelelo 93:1 - Siswati 1996 Bible Simakadze uyabusa, wembetse inkhatimulo, Simakadze wembetse, wavunula emandla. Ngempela, umhlaba wonkhe utintile, ungeke utanyatanyiswe. |
“Tfutfumelani embikwakhe, mhlaba wonkhe! Yebo, umhlaba usinyisiwe, ungeke utanyatanyiswe.
Ingcebo neludvumo kuphuma kuwe; wena ungumbusi wato tonkhe tintfo. Esandleni sakho kunemandla neligunya kwekuphakamisa nekucinisa bonkhe.
Nakunjalo-ke, tihlobise ngekubabateka nangenkhatimulo, utembatsise ngeludvumo nangebukhosi.
Simakadze wasimisa ezulwini sihlalo sakhe sebukhosi, konkhe lokukhona kungaphansi kwembuso wakhe.
Umbuso wakho ungumbuso lome kuze kube phakadze, lombuso uyawuhlala ukhona, titukulwane ngetitukulwane. Simakadze wetsembekile kuto tonkhe tetsembiso takhe. Unemusa kuyo yonkhe imisebenti yakhe.
Bacedze ngekutfukutsela kwakho, ubanyamalalise baphele batsi nya, kuze bantfu bati kutsi: Nkulunkulu ubusa kaJakobe nasemikhawulweni yemhlaba. Cabanga.
Ubindzisa kudvuma kwetilwandle, uthulise kugubha nekuhlokoma kwemagagasi, ubindzise siphitsiphitsi lesicokotelisa tive.
Nome umhlaba sewutanyatanyiswa, kanye nabo bonkhe labahlala kuwo, mine ngisimisa tinsika tawo. Cabanga.
Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”
Ngimi lowenta umhlaba, ngadala nebantfu bonkhe labahlala kuwo. Tandla tami taweneka emazulu, ngalawula nemabutfo awo etinkhanyeti.
Ngobe naku lokushiwo nguSimakadze, lowo lowadala emazulu, unguNkulunkulu, lowo lowadala wabumba umhlaba, wawusekela; akazange awudalele kutsi ubete lutfo, kodvwa wawubumbela kutsi uhlale bantfu, utsi: “NginguSimakadze, kute lomunye.
Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.
Ngibeke emavi ami emlonyeni wakho, ngakusibekela ngemtfunti wesandla sami; mine lengibeke emazulu endzaweni yawo, nalengabeka tisekelo temhlaba, ngikhuluma neSiyoni ngitsi: ‘Wena usive sami!’ ”
Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?
Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”
Wembatsa kulunga njengesivikelo sakhe sesifuba, nesigcoko sensindziso enhloko yakhe. Wembatsa tingubo tekukhipha sibhongobhongo, watishumphetela ngenshisekelo njengesembatfo.
Ngubani lona lochamuka ka-Edomu, lobuya eBhosra, lonetingubo letibhocwe ngalokubovu njengengati? Ngubani yena lona, lowembetse umjiva webukhosi lokhatimulako, lohamba acanase ngebukhulu bemandla akhe? “Ngimi, lengikhuluma ngekulunga, lonemandla ekusindzisa.”
Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’
Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.
Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.