Tihlabelelo 91:1 - Siswati 1996 Bible

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Tihlabelelo 91:1 Referencias Cruzadas

Tihlabelelo 121:5

Simakadze ngumlondvoloti wakho, ungumtfunti wakho esandleni sakho sekudla.

Tihlabelelo 17:8

Ngilondvolote njengenhlavu yeliso. Ngifihle ngaphansi kwemaphiko akho,

Tihlabelelo 25:13

Yena lucobo uyawuhlala achume, intalo yakhe iyawudla lifa lemhlaba.

Tihlabelelo 27:5

Uyawungibhacisa ngaphansi kweluphahla lwakhe ngelilanga lenhlupheko. Uyawungifihla ethendeni lakhe, angisimise edvwaleni leliphakeme.

Tihlabelelo 31:20

Ubafihla ekusitsekeni kwebukhona bakho, baphephe kulabo lababakhela lugibe; ubabhacisa endlini yakho, baphephe etinkhulumeni tembango.

Tihlabelelo 32:7

Wena uyindzawo yami yekubhaca, uyangiphephisa ekuhluphekeni ungisingatse ngetingoma tenkhululeko. Cabanga.

Tihlabelelo 36:7

Yebo, Nkulunkulu, umusa wakho uligugu lelikhulu. Bantfu basemhlabeni bayakhosela emtfuntini wetimphiko takho.

Tihlabelelo 52:8

Kodvwa-ke mine ngifana nesihlahla lesiluhlata, nemncumo losendlini yaNkulunkulu. Umusa waNkulunkulu lomile ngetsembele kuwo phakadze naphakadze.

Tihlabelelo 57:1

Ngihawukele, Nkulunkulu, ngihawukele, ngobe wena usiphephelo semphefumulo wami, ngiyawukhosela emtfuntini wemaphiko akho, kuze kwendlule tivunguvungu temashwa.

Tihlabelelo 90:1

Yebo, Simakadze! Wena ube siphephelo setfu etitukulwaneni nasetitukulwaneni.

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Isaya 25:4

Bewusiphephelo salabamphofu, siphephelo salabeswele elusizini lwabo, siphephelo sekuvikela etivunguvungwini, nemtfunti ekushiseni kwelilanga. Ngobe kuphefumula kwalabanelunya kufanana nesivunguvungu lesitimukula elubondzeni;

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 11:16

“Ngako-ke tsani: ‘Naku lokushiwo yiNkhosi Simakadze, itsi: Nome ngibatfumele khashane emkhatsini wetive, ngabasakatela emaveni, noko kwesikhashana bengiyindzawo yabo lengcwele kulawo mave lapho bebakhona khona.’

Tikhulu 9:15

“Sihlahla semanyeva saphendvula letihlahla, satsi: ‘Nanicinisile kutsi nifuna kungibeka inkhosi etikwenu, wotani nitewukhosela emtfuntini wami; kodvwa nakungenjalo, akuphume umlilo esihlahleni semanyeva udle imisedari yaseLebanoni!’