Tihlabelelo 88:15 - Siswati 1996 Bible

Ngihlupheke kakhulu ngabasengotini yekufa, kwasebusheni bami; ngashaywa luvalo, ngasangana.

Tihlabelelo 88:15 Referencias Cruzadas

Jobe 17:1

“Umoya wami wephukile, emalanga ami ajutjiwe aba mafisha, sengimelwe lithuna.

Jobe 30:20

“Ngikhala kuwe, Nkulunkulu wami! Kodvwa wena awungiphendvuli. Ngiyasukuma ngime ngetinyawo, kodvwa wena umane ungibuke nje.

Jobe 6:4

Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Tihlabelelo 43:2

Ngobe wena, Nkulunkulu, uyinqaba yami. Ungilahleleni? Kungani ngihambe ngilila ngenca yekucindzetelwa titsa?

Tihlabelelo 44:25

Sidzicilelwe phansi elutfulini, tisu tetfu tinamatsele emhlabatsini.

Tihlabelelo 73:14

Ngihlushwa sonkhe sikhatsi, ngitsetsiswe onkhe emalanga.

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.