Tihlabelelo 80:13 - Siswati 1996 Bible

Tingulube tesiganga tiyawuvukuta, tonkhe tilwane tesiganga tiyawudla.

Tihlabelelo 80:13 Referencias Cruzadas

2 Emakhosi 17:20

Ngako-ke Simakadze wase uyatala tonkhe tive tema-Israyeli, watihlupha, watinikela etandleni tebatfumbi bato, waze waticosha ebukhoneni bakhe.

Tihlabelelo 89:42

Uyente yancotjwa ngulabamelene nayo, wajabulisa tonkhe titsa tayo.

Isaya 5:5

Manje-ke senginitjela kutsi ngitakwentani kulesivini sami: Ngitawususa lolutsango lwaso, lesivini sibhujiswe, ngitawuhhihlita nalolubondza lwaso, sinyatselwe phansi.

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Jeremiya 52:7

Lubondza-ke lwalelidolobha lwase luyafohlwa, imphi yonkhe yesuka yabaleka. Besuka edolobheni ebusuku, baphuma ngelisango lelisemkhatsini wetibondza letimbili letiseceleni kwengadze yenkhosi, lite nome emaBhabhulona abelitungeletile lelidolobha. Babaleka babhekisa emabombo ngase-Arabha,

Hezekeli 19:12

Kodvwa sazuphuneka ngenca yelulaka, salahlwa phansi emhlabatsini. Umoya wasemphumalanga wasomisa, saphundleka titselo taso, emagala aso lacinile abuna, umlilo wawadla.

Nahume 2:3

Emahawu emabutfo etitsa abovu, emabutfo avunule lokubovu ngalobutopele, tinsimbi letisetincoleni temphi tiyamanyatela ngelilanga lekulungiswa kwato; tikhali tawo tiyamengetela.