Ngobe mkhulu Simakadze, ufanele kudvunyiswa kakhulu, ufanele kwesatjwa kunabo bonkhe bonkulunkulu.
Tihlabelelo 76:7 - Siswati 1996 Bible Kodvwa uyesabeka, ngubani nje longema embikwakho, nase utfukutsele uvutsa lulaka? |
Ngobe mkhulu Simakadze, ufanele kudvunyiswa kakhulu, ufanele kwesatjwa kunabo bonkhe bonkulunkulu.
Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”
Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.
UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.
Ngubani lowati emandla entfukutselo yakho, yebo, nelulaka lwakho, kuze akwesabe ngalokufanele?
Mosi nema-Israyeli bahlabela kuSimakadze nansi ingoma, batsi: “Ngiyawuhlabela kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.
Tincola temphi taFaro nemabutfo akhe ukujikijele ekhatsi elwandle, tiphatsimandla takhe letikhetsiwe utiphonse eLwandle Lolubovu.
Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.
Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.
Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”
Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”