Tihlabelelo 76:12 - Siswati 1996 Bible

Nguye lotfobisa tikhulu, uyesabeka emakhosini emhlaba.

Tihlabelelo 76:12 Referencias Cruzadas

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Tihlabelelo 2:10

Ngako-ke nine makhosi, hlakaniphani; nifundze sifundvo, nine babusi bemhlaba.

Tihlabelelo 2:5

Wase ukhuluma kubo ngentfukutselo yakhe, ubakhahla ngelulaka lwakhe, utsi:

Tihlabelelo 47:2

Ngobe Simakadze, Losetikwako Konkhe uyesabeka, uyiNkhosi lenkhulu etikwemhlaba wonkhe.

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 68:12

“Emakhosi etimphi ayabaleka nekubaleka.” Labasikati emakhaya bebasehlukaniselana imphango,

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Isaya 24:21

Ngalelo langa Simakadze uyawujezisa tiphatsimandla tasemazulwini etulu, nemakhosi asemhlabeni phansi.

Levithikusi 23:38

Ngaphandle kweliSabatha laSimakadze nangaphandle kwetipho tenu kanye naleminye nje iminikelo lenitentela yona ngetetsembiso neminikelo yenu yesihle leniyinikela kuSimakadze.

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Sembulo 6:15

Onkhe emakhosi emhlaba, netikhulu, netindvuna, nalabacebile, nalabanemandla, nabo bonkhe labatigcili, nalabakhululekile, babhaca emigedzeni nasemihumeni emkhatsini wemadvwala etintsaba.