“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?
Tihlabelelo 74:20 - Siswati 1996 Bible Khumbula sivumelwane lowasenta natsi, ngobe tonkhe tindzawo letinematfunti lapha eveni tigcwele budlova. |
“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?
Uyasikhumbula sivumelwane sakhe phakadze naphakadze; livi layala ngalo uyalikhumbula titukulwane ngetitukulwane.
Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.
Simakadze, ngihole ngekulunga kwakho, ngobe nginetitsa, condzisa indlela yakho embikwami.
Ngiyawumgcinela umusa wami kuze kube phakadze. Sivumelwane sami naye siyawuhlala simile.
Sewusicitsile sivumelwane senceku yakho, umchele wayo uwutsele ngelihlazo, wawudzicela phansi.
Ngenca yeLibito lakho ungasibukeli phansi, ungasenteli phansi sihlalo sakho sebukhosi bakho lobukhulu. Khumbula sivumelwane sakho lowasenta natsi, ungasephuli.
Aniyikumkhonta Simakadze Nkulunkulu wenu ngendlela yato, ngobe tona natikhonta bonkulunkulu bato, tenta tonkhe tintfo letenyanyekako naletisinengiso kuSimakadze. Tona tize tishise nemadvodzana nemadvodzakati ato emlilweni njengemihlatjelo kulabonkulunkulu bato.
Khumbula tinceku takho bo-Abrahama, na-Isaka, naJakobe. Ungabunaki buhlongandlebe balesive, nebubi baso, nesono saso.
“Ngulesi-ke sivumelwane lengiyawusenta nendlu yaka-Israyeli ngetikhatsi letitako,” isho iNkhosi, itsi: “Ngiyawufaka imisetfo yami etingcondvweni tabo, ngiyibhale etinhlitiyweni tabo, ngibe nguNkulunkulu wabo, bona babe sive sami.