Tihlabelelo 74:1 - Siswati 1996 Bible

Awu, Nkulunkulu! Usilahleleni sive sakho siphelane? Intfukutselo yakho ibhunyeleleni timvu telidlelo lakho?

Tihlabelelo 74:1 Referencias Cruzadas

2 Emakhosi 21:14

Insali yelifa lami ngitayifulatsela, ngiyetfule etitseni tayo. Insali itawuphangwa ichwagwe ngito tonkhe titsa tayo,

Tihlabelelo 10:1

Simakadze, umeleni khashane? Utifihleleni ngesikhatsi sisekuhluphekeni?

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 18:8

Emakhala akhe akhafula intfutfu, umlomo wakhe wakheputa umlilo locotfulako kuwo kwakhehleka emalahle labovu.

Tihlabelelo 42:11

Mphefumulo wami, udzabukeleni? Uvungamelani ngekhatsi kwami? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Tihlabelelo 42:9

Ngikhuluma kuNkulunkulu ngitsi: “Dvwala lami, kwentiwa yini kutsi ungikhohlwe? Kungani ngihambe ngilila ngenca yekucindzetelwa sitsa?”

Tihlabelelo 44:9

Noko sewusilahlile wasihlazisa, awusaphumi kanye nemabutfo etfu.

Tihlabelelo 50:1

Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Tihlabelelo 60:1

Awu, Nkulunkulu, usiyekelele wasilahla, wenta netivikelo tetfu tabhidlitwa, kwaya njengobe usitfukutselele. Buya utesilulamisa.

Tihlabelelo 60:10

Awu, Nkulunkulu, wena usilahlile. Awu, Nkulunkulu, awusahambi nemabutfo etfu emphi.

Tihlabelelo 77:7

“Kantsi Simakadze utangilahla siphelane yini? Angeke yini aphindze abe nemusa nesihawu?

Tihlabelelo 77:8

Umusa wakhe longagucuki sewuphele siphelane yini? Kungabe lesetsembiso sakhe siphelile yini etitukulwaneni ngetitukulwane?

Tihlabelelo 78:1

Hhawu, sive sami! Lalelani imfundziso yami, nibeke indlebe emavini ami.

Tihlabelelo 79:13

Tsine-ke lesisive sakho netimvu telidlelo lakho, siyawudvumisa wena ingunaphakadze, silandzise ngeludvumo lwakho etitukulwaneni nasetitukulwaneni.

Tihlabelelo 79:5

Kuyawuze kube ngunini, Simakadze, lulaka lwakho luvutsa njengemlilo? Lulaka lwakho luyawuvutsa njengemlilo kuze kube ngunini?

Tihlabelelo 80:5

Wabapha sinkhwa ngetinyembeti, wabanatsisa ngetinyembeti.

Tihlabelelo 85:6

Ungeke yini usivuselele siphile, kuze kutsi sive sakho sijabule kuwe?

Tihlabelelo 95:7

Ngobe yena unguNkulunkulu wetfu, tsine sitimvu telidlelo lakhe, nesive lesisetandleni takhe. Lamuhla shangatsi ningalilalela livi lakhe nalitsi:

Eksodusi 32:11

Kodvwa Mosi wancenga Simakadze longuNkulunkulu wakhe watsi: “Hhawu Simakadze, lulaka lwakho lusivutselelani lesive sakho lowasikhipha eveni laseGibhithe ngesandla sakho lesinemandla lamakhulu?

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 23:1

Simakadze utsi: “Naku kulabo belusi lababulala basakate timvu telidlelo lami!”

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Sililo 5:22

Nome sewusilahle kokuphela yini? Sekute yini siphetfo ekutfukutseleni kwakho?

Hezekeli 34:31

“ ‘Nine, timvu tami, timvu telidlelo lami, nisive sami, mine nginguNkulunkulu wenu, kusho iNkhosi Simakadze.’ ”

Hezekeli 34:8

Ngifunga kuphila kwami, kusho iNkhosi Simakadze, njengobe umhlambi wami weswele umelusi, waze waphangwa wagucuka waba kudla kwato tonkhe tilwane tesiganga, nanjengobe belusi bami bangazange bawufune umhlambi wami, kodvwa batinakekela bona kakhulu kunekunakekela umhlambi wami,

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.