Tihlabelelo 73:15 - Siswati 1996 Bible

Kube bengitsite: “Ngitawukhuluma njengabo,” ngabe ngihlubuke sive sakho, Simakadze.

Tihlabelelo 73:15 Referencias Cruzadas

Tihlabelelo 14:5

Bayawufikelwa kwesaba lokukhulu, ngobe Nkulunkulu ume nalabacotfo.

Tihlabelelo 22:30

Titukulwane takusasa titawumkhonta, bantfu bayawusala balandzise ngaSimakadze etitukulwaneni nasetitukulwaneni.

Tihlabelelo 24:6

Ngulesi-ke situkulwane salabo labamfunako, labafuna buso bakho, Nkulunkulu waJakobe. Cabanga.

Malakhi 2:8

Kodvwa nine senisukile kuleyo ndlela, kwatsi ngalemfundziso yenu nakhubatelisa bantfu labanyenti, bawa; nisephulile sivumelwane sami naLevi,” kusho Simakadze longuSomandla.

KubaseRoma 14:15

Nangabe umzalwane wakho uyakhubeka ngaloko lokudlako, anisahambisani naye ngelutsandvo. Ngaloko lokudlako ungambulali lowo muntfu lowafelwa nguKhristu.

KubaseRoma 14:21

Lokuncono kungayidli inyama, nekunganatsi lokudzakisanako, nekungenti nome yini lokungahle kwente umzalwane wakho awe.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 Samuweli 2:24

Hhayi, bantfwabami, akusiyo intfo lenhle lena lengiyivako leseyandze naso sonkhe lesive saSimakadze.