Tihlabelelo 7:6 - Siswati 1996 Bible

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Tihlabelelo 7:6 Referencias Cruzadas

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

Tihlabelelo 103:6

Bonkhe labacindzetelwe Simakadze ubentela kulunga, angakhetsi muntfu.

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 138:7

Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 143:3

Sitsa siyangitingela, singicindzetela phansi emhlabatsini singivimbetela ebumnyameni njengalabakadze bafa.

Tihlabelelo 3:7

Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

Tihlabelelo 35:1

Cabana nalabo labacabana nami, ulwe nalabo labalwa nami, Simakadze.

Tihlabelelo 35:23

Phaphama uvuke, ungiphutfume, Nkulunkulu wami, Nkhosi yami, ngikhulumele ungimele ecaleni lami.

Tihlabelelo 44:23

Hhawu, Simakadze, phaphama! Ulaleleni? Vuka, ungasiyekeleli kokuphela.

Tihlabelelo 44:26

Sukuma utewusisita! Sihlenge ngenca yemusa wakho.

Tihlabelelo 59:5

Wena, Simakadze, Nkulunkulu Somandla, unguNkulunkulu waka-Israyeli; vuka-ke utewujezisa tonkhe tive, ungahawukeli ngisho namunye kulaba labangemambuka. Cabanga.

Tihlabelelo 73:20

Simakadze, njengekuphela kweliphupho ekuphaphameni, utawulahla titfunti tabo, nawuvuka.

Tihlabelelo 74:3

Yelulela tinyawo takho ekudzilitweni kwaphakadze, sitsa sibhidlite konkhe endlini lengcwele!

Tihlabelelo 78:65

Simakadze, Nkulunkulu, wavuka, njengalophaphama ebutfongweni, nanjengesichwaga lebesesehlulwe tjwala.

Isaya 3:13

Simakadze utilungiselele kutsetsa emacala; uyasukuma atekwehlulela sive.

Isaya 33:10

Simakadze utsi: “Nyalo sengitawusukuma, nyalo sengitawuphakanyiswa, nyalo sengitakwenyuselwa etulu.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?