Tihlabelelo 69:13 - Siswati 1996 Bible

Kodvwa mine lo, umthandazo wami uta kuwe, Simakadze, ngesikhatsi lesifanele, Nkulunkulu; ngiphendvule ngebukhulu bemusa wakho nesetsembiso sakho sekungisindzisa.

Tihlabelelo 69:13 Referencias Cruzadas

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

Esta 5:2

Inkhosi yatsi nayibona inkhosikati lenkhulu Esta ime ngaphandle, yajabula, yase iphakamisa indvuku yayo yegolide isho kutsi akangene. Weta wafike watsintsa sihloko salendvuku.

Esta 5:6

Ngesikhatsi banatsa liwayini inkhosi yaphindza yambuta Esta, yatsi: “Ngabe siyini sikhalo sakho, nkhosikati? Ngitjele kutsi ufunani, utayitfola. Ngitakunika sicelo sakho, ngisho nome ngabe sewucela incenye yembuso wami.”

Esta 7:2

Basachubeka nekunatsa ngalelo langa lesibili, inkhosi yaphindze yabuta, yatsi: “Nkhosikati Esta, ufunani? Ngitjele, utakwentelwa; ngisho nome ngabe ufuna incenye yembuso wami.”

Tihlabelelo 32:6

Ngako-ke wonkhe longcwele uyawuthandaza kuwe ngesikhatsi usenekutfolakala. Ngempela ngesikhatsi emagagasi etinhlupheko adlondlobala, angeke amkhukhule.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 55:6

Funani Simakadze asenekutfolakala; mbiteni asesedvute.

Sililo 3:63

Tibuke! Natihleti nome timile, tiyangihaya nangetingoma tato.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Lukha 1:72

Watsi utawubonakalisa sihawu kubokhokho betfu, akhumbule sivumelwane sakhe lesingcwele,

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

2 kubaseKorinthe 6:2

Ngobe utsi: “Ngikuvile ngesikhatsi lesifanele; ngakusita ngelilanga lensindziso.” Lalelani la, “sikhatsi lesifanele” ngiso lesi; “lilanga lensindziso” ngilo lona leli.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.

1 Samuweli 25:8

Buta kuleto tinceku takho, titakutjela. Ngako-ke ngicela uwaphatse kahle lawo majaha ami, ngobe sesifike ngesikhatsi selidzili. Ngicela uphe tinceku takho kanye nendvodzana yakho Davide, loko longahle ubaphe kona.’ ”