Tihlabelelo 69:12 - Siswati 1996 Bible

Ngiyindzabamlonyeni kulabahlala emasangweni; tidzakwa tihlabela tigiye ngami.

Tihlabelelo 69:12 Referencias Cruzadas

Genesisi 19:1

Natifika eSodoma letingilosi letimbili, Loti abehleti esangweni lalowo muti. Watsi kube atibone, Loti wasukuma watihlangabeta; watikhotsamela,

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Matewu 27:20

Kepha baphristi labakhulu netibondza bativumisa leticumbi kutsi ticele Bharaba, kubulawe Jesu.

Lukha 23:2

Base batsi: “Lomuntfu simbambe edukisa sive sakitsi, asitjela kutsi singatseli kuKhesari, atigabatisa ngekutsi yena unguKhristu, iNkhosi.”

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.