Tihlabelelo 66:2 - Siswati 1996 Bible Hlabelelani nituse libito lakhe, nidvumise bukhosi bakhe. |
LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”
Ngubani longalandzisa ngemisebenti lemikhulu yaSimakadze, avakalise lonkhe ludvumo lwakhe?
Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.
Akabongwe Simakadze, Nkulunkulu, nguye longuNkulunkulu wema-Israyeli, nguye yedvwa lowenta timangaliso.
Sisite, Nkulunkulu wensindziso yetfu, sisite ngenca yenkhatimulo yelibito lakho, sihlenge usitsetselele tono tetfu, ngenca yelibito lakho lelihloniphekile.
Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.
Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”
Ngase ngiva tidalwa tonkhe nendalo yonkhe ezulwini, nasemhlabeni, nangephansi kwemhlaba, naselwandle, nako konkhe lokukuko, titsi: “Kuye lohleti esihlalweni sebukhosi, nakulo liWundlu, akube sibusiso, neludvumo, nebukhosi, nemandla, kuze kube phakadze naphakadze!”