Tihlabelelo 60:2 - Siswati 1996 Bible

Utamatamise umhlaba, wawudzabula timfa; tivale letimfa tawo ngobe uyaceka.

Tihlabelelo 60:2 Referencias Cruzadas

2 Samuweli 22:8

“Umhlaba watfutfumela, watamatama, tisekelo temazulu tatfutfumela, tatamatama, ngobe Somandla abesatfukutsele.

2 Samuweli 8:1

Kwatsi emvakwaloko, Davide wahlasela emaFilisti, wawehlula, wawemuka emandla ekutibusa wona eveni, watsatsa neMethegi Ama, wayikhipha ekubusweni ngemaFilisti.

1 Tikhronike 18:12

Abishayi, umsa waSeruya, wabulala ema-Edomu labeti-18 000 eSigodzini Seluswayi.

1 Tikhronike 18:3

Ngetulu kwaloko Davide wahlasela, wehlula Hadadezeri, inkhosi yaseSobha, waze wayakufika eHamathi, ngaleso sikhatsi Hadadezeri abecondze kubusa lonkhe lelo live langasemfuleni iYufrathe.

1 Tikhronike 18:5

Atsi ayeta emaSiriya aseDamaseko, atsi etekwelekelela Hadadezeri, inkhosi yaseSobha, Davide wabulala aba ti-22 000 kuwo,

2 Tikhronike 7:14

nangabe sive sami lesibitwa ngelibito lami, sititfoba sithandaze kimi, sifunisise intsandvo yami, siphendvuke etindleleni taso letimbi temonakalo, ngiyakuva ngisezulwini, ngitsetselele sono saso, ngiphilise live laso.

Jobe 5:18

Ngobe yena nome angamilisa tilondza, uphindze atipholise, uyalimata aphindze aphilise ngetandla takhe.

Jobe 9:6

Unyikanyisa umhlaba netisekelo tawo, tinsika tawo tichachatele.

Tihlabelelo 104:32

yena lotsi nakabuka umhlaba utfutfumele, atsintse tintsaba tibhunye.

Tihlabelelo 114:7

Mhlaba, tfutfumela embikwaSimakadze, yebo, embikwaNkulunkulu waJakobe.

Tihlabelelo 18:7

Umhlaba watfutfumela, watamatama, netisekelo tetintsaba tatfutfumela, tatamatama, ngobe Somandla abesatfukutsele.

Tihlabelelo 89:40

Utidzilitele phansi tonkhe tindvonga, tinqaba tasala titindvundvuma.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Isaya 7:8

Ngobe inhloko yaseSiriya yiDamaseko, nenhloko yeDamaseko nguResini kuphela. Kusengakapheli iminyaka lengema-65, baka-Efrayimu bayawube sebahlakateke kakhulu, sebangasesiso sive.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 14:17

“Khuluma lamavi kubo utsi: “ ‘Emehlo ami akagobhote tinyembeti busuku nemini, angakhawuli; ngobe indvodzakati yami leyintfombi sibili, sive sami, igwazwe linceba lelibi, yalinyatwa kakhulu.

Jeremiya 30:17

Kodvwa wena ngiyawukubuyisela emphilweni, ngiphilise emanceba akho, nome ubitwa ngekutsi ungulolahliwe, iSiyoni lenganakwa ngumuntfu,’ kusho Simakadze.

Jeremiya 4:24

Ngabuka tintsaba, nato tatinyikanyika, onkhe emagcuma abeyendza.

Jeremiya 48:38

Kulo lonkhe luphahla lwakaMowabi nasetinkhundleni tesive kute lokunye ngaphandle kwesililo, ngobe sengiyephulile iMowabi njengeludziwo lolungafunwa ngumuntfu,” kusho Simakadze.

Sililo 2:13

Ngingatsini nje ngawe? Ngingakufananisa nani nje, wena Ndvodzakati yaseJerusalema? Yini nje lengingakulinganisa nayo, kuze ngikudvudvute, wena Ntfombi yaseSiyoni? Linceba lakho lishona njengelwandle. Ngubani longakwelapha?

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Amose 8:8

Live lingeke yini litfutfumele ngaloku, nabo bonkhe labahlala kulo bangeke yini balile? Lonkhe live liyawukhukhumuka njengeNayili, liyawutanyatanyiswa, bese liyabotja njengalomfula waseGibhithe.”

Habakhuki 3:10

tintsaba takubona tatfutfumela. Kwendlula tikhukhula temanti, kujula kwabhodla, kwaphakamisela emagagasi ako etulu.

Matewu 27:51

Bheka, indvwangu leyayilenga ethempelini yadzabuka ekhatsi, kusukela etulu kuya phansi. Umhlaba watamatama, emadvwala achekeka ekhatsi,