Tihlabelelo 6:1 - Siswati 1996 Bible

Awu, Simakadze, ungangijezisi ngentfukutselo yakho, ungangishayi ngelulaka lwakho.

Tihlabelelo 6:1 Referencias Cruzadas

1 Tikhronike 15:20

BoZakhariya na-Aziyeli, naShemiramothi, naJehiyeli, na-Uni, na-Eliyabe, naMaseya kanye naBhenaya bona bakhetfwa kutsi babe bahlabeli bekudlala emalire ngekwe-alamothi,

1 Tikhronike 15:21

kantsi boMathithiya, na-Elifelehu, naMikneya, na-Obedi Edomu, naJeyiyeli kanye na-Azaziya bakhetfwa kutsi bona babe bahlabeli bekudlala emahabhu ngekwesishiminithi.

Tihlabelelo 118:18

Simakadze wangishaya kabuhlungu kabi, kodvwa akazange anginikele ekufeni.

Tihlabelelo 12:1

Awu, Simakadze, sisindzise! Sekute bantfu labacotfo, ngobe labetsembekile sebanyamalele.

Tihlabelelo 2:5

Wase ukhuluma kubo ngentfukutselo yakhe, ubakhahla ngelulaka lwakhe, utsi:

Tihlabelelo 38:1

Awu, Simakadze, ungangikhahli ngentfukutselo yakho, ungangijezisi ngelulaka lwakho.

Tihlabelelo 4:1

Ngiphendvule nangikhala kuwe, wena Nkulunkulu ukulunga kwami. Ekucindzetelweni kwami uyangikhulula; ngihawukele, ukwemukele kuncenga kwami.

Isaya 54:9

“Kimi loku kufanana nemalanga aNowa, ngesikhatsi ngifunga kutsi emanti aNowa angeke aphindze awumbonye umhlaba. Ngako-ke manje sengifungile kutsi ngingeke ngiphindze ngikutfukutselele, ngingeke ngiphindze ngikutsetsise.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”