Tihlabelelo 59:3 - Siswati 1996 Bible

Ase ubheke, ngobe bangilalele endleleni bafuna kungibulala, tichwaga titimisele kungihlasela ngaphandle kwesono sami, Simakadze.

Tihlabelelo 59:3 Referencias Cruzadas

Tihlabelelo 140:2

bantfu labahlose lokubi etinhlitiyweni tabo. Onkhe emalanga bacubungula emasu etimphi.

Tihlabelelo 2:2

Emakhosi emhlaba asukume phansi ahloma, nebabusi bahlangene bemelana naSimakadze, bemelana neMgcotjwa wakhe batsi:

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 56:6

Bayabutsana bangilalele emasitseleni, tinyatselo tami baticaphele njengobe bashophene nekuphila kwami.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Taga 12:6

Emavi ebantfu lababi acotsele kucitsa ingati; kodvwa emavi alabalungile ayabakhulula bantfu.

Taga 24:15

Ungasilingisi sigelekece ngekunyenyela lolungile kutsi umlimate endlini yakhe, ungayihlaseli ngisho nendzawo lapho ahlala khona;

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’

Imisebenti yebaPhostoli 23:21

Kodvwa ungavumi, ngobe kukhona emadvodza langetulu kwema-40 latawube amlalele endleleni atembulala. Asente nesifungo kutsi angeke akudle kudla, nekunatsa angeke anatse angakabulali Pawula. Njengamanje nje, asalungele kukwenta loko, aseme ngawe nje kutsi eve kutsi wena utsini.”

1 Samuweli 19:1

Sawula wakhuluma kuJonathani, indvodzana yakhe, nakuto tonkhe tinceku takhe kutsi tibulale Davide. Kodvwa Jonathani abemtsandza kakhulu Davide,

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 24:17

Sawula wakhuluma kuDavide, watsi: “Wena ulunge kakhulu kwengca mine; ngobe wena ungentele lokuhle, kodvwa mine ngikubonge ngebubi.

1 Samuweli 26:18

Wachubeka wambuta watsi: “Pho, inkhosi yami iyicoshelani inceku yayo? Ngenteni? Nginacala lini?