Tihlabelelo 58:3 - Siswati 1996 Bible

Bantfu lababi batsi batalwa nje, babe bangenela indlela lembi, bacale emanga.

Tihlabelelo 58:3 Referencias Cruzadas

Jobe 15:14

“Umuntfu abeyini kutsi angaba ngulohlantekile, nome-ke umuntfu lotelwe ngumfati kutsi angaba ngulolungile?

Tihlabelelo 22:10

Ngetfulwa kuwe kwasekutalweni kwami, waba nguNkulunkulu wami kusukela esiswini samake.

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Tihlabelelo 55:10

Lelidolobha kulitungeleta imini nebusuku, kuhambahambe etikwetindvonga talo; bubi nelusizi kubusa ekhatsi kwalo.

Taga 22:15

Bulima buboshelwe engcondvweni yemntfwana; kodvwa luswati luyabutsintsitsa bonkhe.

Isaya 46:3

“Lalelani kimi, awu ninendlu yakaJakobe, nonkhe nine lenisasele bendlu yaka-Israyeli, nine lesolo nganetfwala kwasesiswini, lenganetfwala kusukela ekutalweni kwenu.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Kubase-Efesu 2:3

Empeleni sonkhe sasinjengabo, sasiphila ngetinkhanuko tenyama yetfu, senta intsandvo yenyama neyengcondvo yetfu. Ngekwemvelo yetfu sasifanelwe lulaka lwaNkulunkulu njengabo bonkhe bantfu.