“Naloku ngikhala: ‘Ngimi lengoniwe!’ Kodvwa angiphendvulwa; naloku ngicela lusito, kute kwetsembeka.
Tihlabelelo 55:17 - Siswati 1996 Bible Kusihlwa, nasekuseni, nasemini ngiyatikhalela ngibubule kuye, bese uyaliva livi lami. |
“Naloku ngikhala: ‘Ngimi lengoniwe!’ Kodvwa angiphendvulwa; naloku ngicela lusito, kute kwetsembeka.
Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.
Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.
Kodvwa mine, Simakadze, ngikhala kuwe, ngicela lusito, kutsi kusa ube uhlangabetana nemkhuleko wami.
Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.
Base bakhuluma enkhosini, batsi: “Danyela, longulomunye webatfunjwa bakaJuda, akakunaki wena, nkhosi, nalesimemetelo sakho lowasibhala phansi akasishayi mkhuba. Usathandaza katsatfu ngelilanga.”
Ekuseni kusemnyama kakhulu Jesu wavuka wahamba, waphumela ngephandle kwelidolobha waya ehlane, lapho afike wathandaza khona.
Wababona kutsi basigwedla kamatima sikebhe, ngobe umoya bewuphambene nabo. Kwatsi ekuseni kungakasi, emkhatsini weli-awa lesitsatfu nelesitfupha, Jesu weta kubo ahamba etikwemanti. Wacondza embili, washaya kungatsi uyendlula.
Kwakungeli-awa lesitsatfu entsambama, lapho abona ngalokusebaleni embonweni ingilosi yaNkulunkulu ingena kuye itsi: “Khoneliyuse!”
Khoneliyuse waphendvula watsi: “Kwakucishe kube ngito letikhatsi kutsanti kwayitolo ngesikhatsi ngithandaza endlini yami ngeli-awa lesitsatfu ntsambama ngabona indvodza yembetse tingubo letikhatimulako ime embikwami
Ngakusasa, nase basondzele eJopha, Phetro waya egumeni lelalisetulu eluphahleni lwendlu emini ayewuthandaza.
Ngalelinye lilanga boPhetro naJohane baya ethempelini ntsambama ngeli-awa lesitsatfu, ngesikhatsi semkhuleko.
Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.
Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.