Tihlabelelo 55:1 - Siswati 1996 Bible

Hhawu, Nkulunkulu, beka indlebe, ulalele umthandazo wami, ungakufulatseli kuncusa kwami.

Tihlabelelo 55:1 Referencias Cruzadas

Tihlabelelo 143:7

Sheshisa, Simakadze, ungiphendvule; umoya wami ushona phansi. Ungangifihleli buso bakho, funa ngibe njengalabashona emgodzini.

Tihlabelelo 17:1

Awu, Simakadze, ase ulalele kuncusa kwami lokumsulwa. Beka indlebe yakho emthandazweni wami, lophuma emlonyeni lote inkhohliso.

Tihlabelelo 27:9

Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 28:1

Ngikhala kuwe, Simakadze, Dvwala lami. Ungabi sihhulu kimi, ngobe nangabe ungangiphendvuli, ngitawufana nalabaya ethuneni.

Tihlabelelo 5:1

Awu, Simakadze, lalela emavi ami, ubeke indlebe yakho kuwo, ungivele nangibubula kuwe.

Tihlabelelo 6:1

Awu, Simakadze, ungangijezisi ngentfukutselo yakho, ungangishayi ngelulaka lwakho.

Tihlabelelo 61:1

Lalela kukhala kwami, Nkulunkulu, uve umthandazo wami.

Tihlabelelo 64:1

Hhawu, Nkulunkulu! Vani livi lami nangikhala, ulondvolote kuphila kwami elusongweni lwetitsa!

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 80:4

Awu, Simakadze, Nkulunkulu wemabandla! Kutawuze kube ngunini ucansulwa ngimithandazo yesive sakho?

Tihlabelelo 84:8

Hhawu, Simakadze, Nkulunkulu wemabandla, vani, ulalele umthandazo wami, beka indlebe yakho, Nkulunkulu waJakobe! Cabanga.

Tihlabelelo 86:6

Awu, Simakadze! Beka indlebe yakho ekukhulekeni kwami, uve livi lekuncusa kwami.

Sililo 3:56

Wakuva kuncusa kwami: “Ungativali tindlebe takho ekukhaleni kwami; ngicela kuphunyutwa.”

Sililo 3:8

Ngisho nome sengimemeta, ngikhalela kusitwa, uyivalela ngaphandle imikhuleko yami.

1 yaPhetro 3:12

Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”