Tihlabelelo 53:5 - Siswati 1996 Bible

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Tihlabelelo 53:5 Referencias Cruzadas

Jobe 15:21

“Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Tihlabelelo 14:5

Bayawufikelwa kwesaba lokukhulu, ngobe Nkulunkulu ume nalabacotfo.

Tihlabelelo 141:7

Njengetinkhuni tijutjwa tiba ticucu, ngalokufananako ematsambo abo ayawusakateka ngasekungeneni kwelithuna.

Tihlabelelo 2:4

Losesihlalweni sebukhosi ezulwini ubahleka bulima; yebo, Simakadze ubenta inhlekisa.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 35:4

Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 40:14

Bonkhe bantfu labafuna kungibulala abahlazeke basangane. Bantfu labangifisela lokubi abancandzekiswe bahlazekile.

Tihlabelelo 73:20

Simakadze, njengekuphela kweliphupho ekuphaphameni, utawulahla titfunti tabo, nawuvuka.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Jeremiya 49:15

“Nyalo-ke, sengitawukwenta ube ngulomncane emkhatsini wetive, wedzeleleke emkhatsini webantfu.

Jeremiya 6:30

Babitwa ngekutsi bayisiliva lelahlwako, ngobe mine Simakadze ngibalahlile.”

Sililo 2:6

Indzawo yakhe yekuhlala uyicitse njengelidlangala lasensimini, uyibhubhisile indzawo yakhe yekuhlangana. Simakadze wente iSiyoni yawakhohlwa emadzili ayo lemisiwe, nemaSabatha ayo. Ngentfukutselo yakhe ukudvube kokubili: inkhosi yayo nemphristi wayo.

Hezekeli 6:5

Ngitakwendlala tidvumbu tebantfu baka-Israyeli embikwetithico tabo, ngisakate ematsambo enu atungelete lamalati enu.

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Levithikusi 26:36

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.