Tihlabelelo 51:7 - Siswati 1996 Bible

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Tihlabelelo 51:7 Referencias Cruzadas

Jobe 14:4

Ngubani longakhipha lokuhlantekile kulokungakahlanteki? Kute!

Tihlabelelo 58:4

Sihlungu sabo sinjengesihlungu senyoka, banjengaphemphetfwane lovale tindlebe takhe,

Eksodusi 12:22

utsatse sitfungo sehisophu usenye engatini lesemgezelweni bese uyibhoca etinsikeni temnyango emaceleni nasetulu kwawo kuleyondlu lapho uhleti khona. Kufanele kungabikho muntfu lophumako kuleyondlu kuze kube ngusekuseni.

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Johane 13:9

Simoni Phetro watsi kuye: “Nkhosi, akungabi tinyawo todvwa; ngigeze netandla nenhloko.”

KumaHebheru 9:19

Ngako Mosi watsi nasamemetele kuso sonkhe sive imiyalo njengobe ibhaliwe emtsetfweni, watsatsa ingati yematfole, neyetimbuti, nemanti kanye neboya lobubovu, nehisophu; wafafata lencwadzi kanye nesive sonkhe,

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,