Tihlabelelo 5:2 - Siswati 1996 Bible

Vani livi lekukhala kwami, ungisite, Nkhosi yami naNkulunkulu wami, ngobe ngithandaza kuwe, Simakadze.

Tihlabelelo 5:2 Referencias Cruzadas

1 Emakhosi 8:28

Noko, mane uwunake umthandazo wenceku yakho, nekuncusa kwayo ngemusa. Awu! Simakadze, Nkulunkulu wami, vani kukhala kwami nemkhuleko lowentiwa yinceku yakho lapha ebukhoneni bakho lamuhla nje.

Tihlabelelo 10:16

Simakadze uyiNkhosi, phakadze naphakadze, impela emahedeni ayakunyamalala eveni lakhe.

Tihlabelelo 145:1

Ngiyawuphakamisa wena, Nkulunkulu wami neNkhosi yami, ngituse libito lakho phakadze naphakadze.

Tihlabelelo 3:4

Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.

Tihlabelelo 44:4

Yebo, Nkulunkulu, wena uyiNkhosi yami, yelekelela bakaJakobe ubente bancobe.

Tihlabelelo 65:2

Wena uva imithandazo uyiphendvule; bonkhe bantfu bafanele kuta kuwe

Tihlabelelo 74:12

Noko wena, Nkulunkulu, uyiNkhosi yami kwasemandvulweni; nguwe lowenta insindziso emhlabeni.

Tihlabelelo 84:3

Ncedze uyayitfola indzawo yesidleke, nenkonjane iyayitfola indzawo yekwakhela indlu yayo, lapho ingachobosela khona emazini ayo. Lendzawo ingasemalatini endlu yakho, Simakadze wemabandla, Nkhosi yami, naNkulunkulu wami.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Sililo 3:56

Wakuva kuncusa kwami: “Ungativali tindlebe takho ekukhaleni kwami; ngicela kuphunyutwa.”