Tihlabelelo 47:5 - Siswati 1996 Bible

Nkulunkulu ukhuphuke ngenhlokomo, Simakadze wenyuke nakukhala licilongo.

Tihlabelelo 47:5 Referencias Cruzadas

2 Samuweli 6:15

ngesikhatsi yena kanye nayo yonkhe indlu yema-Israyeli beta nelibhokisi lesivumelwane saSimakadze badvumisa ngekuhlabela nangekushaya emacilongo.

1 Tikhronike 15:24

BoShebaniya, naJosafati, naNethaneli, na-Amasayi, naZakhariya, naBhenaya kanye na-Eliyezeri bona bekubaphristi lekwakufanele bashaye emacilongo embikwelibhokisi lesivumelwane saNkulunkulu. Bo-Obedi Edomu naJehiya nabo bakhetselwa kutsi babe bomahlalesangweni belibhokisi lesivumelwane.

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

1 Tikhronike 16:42

BoHemani naJeduthuni bona umsebenti wabo bekukushaya emacilongo, nemasimbali kanye nekudlala letinye tingubhu tekuhlabela ingoma lengcwele yekudvumisa. Emadvodzana aJeduthuni wona abema esangweni.

Tihlabelelo 150:3

Mdvumiseni ngekushaya licilongo, nimdvumise ngehabhu nangelugitali.

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Tihlabelelo 78:65

Simakadze, Nkulunkulu, wavuka, njengalophaphama ebutfongweni, nanjengesichwaga lebesesehlulwe tjwala.

Tihlabelelo 81:3

Vutselani impalampala ekwetfwaseni kwenyanga, nangesikhatsi seyidvulungile ngelilanga lemkhosi wetfu.

Tihlabelelo 98:6

Shayani emacilongo nelivenge. Hlokomani embikwaSimakadze iNkhosi.

Hezekeli 20:6

Ngalelo langa ngafunga kubo kutsi ngiyawubakhipha eGibhithe, ngibayise eveni lengilicingele bona, live leligcwele lubisi neluju lwetinyosi, live lelihle kwendlula onkhe lamanye emave.

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Malakhi 2:3

“Ngenca yenu, ngiyakutekhuta titukulwane tenu; ngiyakuwendlala ebusweni benu lamatfumbu emihlatjelo yenu yemadzili, nani niyawususwa kanye nawo.

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

1 kubaseKorinthe 15:52

ngesikhashana, ngekucwabita kweliso, ngelicilongo lekugcina. Ngobe licilongo liyawukhala, labafile bavuswe bangasenakubola, tsine siguculwe.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

Joshuwa 6:5

Nitawutsi ningeva bawashaya badvonsa sikhatsi lesidze, bonkhe bantfu bamemete kakhulukati; lubondza lwalelidolobha lutakuwa, bantfu bese bangena ngekhatsi, ngulowo nalowo lapho angakhona khona.”

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”