Tihlabelelo 41:1 - Siswati 1996 Bible

Ubusisiwe umuntfu lonakekela lobutsakatsaka, Simakadze uyawumsindzisa ngelilanga lekuhlupheka.

Tihlabelelo 41:1 Referencias Cruzadas

Tihlabelelo 112:9

Labamphofu ubapha ngekukhululeka; kulunga kwakhe kuyawuma kuze kube phakadze. Uyawuba nemandla, ahlonipheke.

Tihlabelelo 34:19

Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,

Tihlabelelo 37:19

Bangeke bajabhiswe ngetikhatsi letimatima, bayawuba nenala ngetikhatsi tendlala.

Tihlabelelo 37:26

Unesihawu lonkhe lilanga, ebolekise, nebantfwana bakhe basibusiso.

Taga 14:21

Umuntfu lobukela phansi makhelwane wakhe uyona; kodvwa ubusisiwe umuntfu lonemusa kulabamphofu.

Taga 16:14

Kutfukutsela kwenkhosi kunjengesitfunywa sekufa; kodvwa umuntfu lohlakaniphile uyayidvudvuta inhlitiyo yayo.

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Jeremiya 39:17

Kodvwa ngiyakukwephula wena ngalelo langa, ngeke uniketelwe etandleni talabo lobesabako, kusho Simakadze.

Makho 14:7

Labamphofu nihlala nabo onkhe emalanga, nome ngunini nanitsandzako ningabentela lokuhle; kodvwa mine aninawuhlala nami sonkhe sikhatsi.

Imisebenti yebaPhostoli 20:35

Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

KubaseGalathiya 2:10

Batsi nje kumelwe sikhumbule labamphofu, lebekungiyonantfo nami lebengiyikhutsalele.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Sembulo 3:10

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Ruthe 2:19

Nawomi wabuta Ruthe watsi: “Lamuhla bewukhwimita kuphi? Bewusebenta kuphi? Ubusisiwe lowo muntfu lokunakile!” Ruthe waphendvula watsi: “Lamuhla bengisebenta ensimini yemuntfu lekutsiwa nguBowazi.”