Davide kanye nawo onkhe ema-Israyeli babejabula bagidza ngawo onkhe emandla abo embikwaNkulunkulu ngetingoma, nangemahabhu, nangemalire, nangemafahlawane, nangemasimbali kanye nangemacilongo.
Tihlabelelo 33:3 - Siswati 1996 Bible Mhlabeleleni ingoma lensha, niyidlale ngebuciko, nimemete ngekujabula. |
Davide kanye nawo onkhe ema-Israyeli babejabula bagidza ngawo onkhe emandla abo embikwaNkulunkulu ngetingoma, nangemahabhu, nangemalire, nangemafahlawane, nangemasimbali kanye nangemacilongo.
Khenaniya, inhloko yemaLevi, wakhetselwa kutsi engamele lenkonzo yekuhlabela; leyo bekuyinkonzo yakhe, ngobe abenelikhono kulowo msebenti.
Bebakanye netihlobo tabo, bonkhe bafundzisiwe baceceshelwa umculo waSimakadze. Sebabonkhe babengema-288.
Lamadvodza awenta ngekwetsembeka lokukhulu lomsebenti. Lababebacondzisi babo bekuboJahathi, na-Obadiya, emaLevi labeyintalelwane yaMerari, naZakhariya, naMeshulamu labebadzabuka kuKhohati. Onkhe emaLevi labebochwephesha ekudlaleni tingubhu temculo,
Ngiyawuhlabela kuwe, Nkulunkulu, ngihlabele ingoma lensha, ngishaye ihabhu lenetintsambo letilishumi.
Wafaka ingoma lensha emlonyeni wami, ingoma yekudvumisa Nkulunkulu wetfu. Labanyenti bayawubona bamesabe, babeke litsemba labo kuSimakadze.
Ubusisiwe umuntfu lobeke litsemba lakhe kuNkulunkulu, longagucukeli kulabatigabatisako, nakulabo labedukela etithicweni.
Sihlabelelo. Hlabelani ingoma lensha kuSimakadze, ngobe wente tintfo letinkhulu; wancoba ngesandla sakhe sekudla nangengalo yakhe lengcwele.
Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.
Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe.
Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.
Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.
Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.