Tihlabelelo 33:21 - Siswati 1996 Bible

Inhlitiyo yetfu ijabula kuye, ngobe setsembele egameni lakhe lelingcwele.

Tihlabelelo 33:21 Referencias Cruzadas

1 Tikhronike 16:10

Tibongeni ngeLibito lakhe lelingcwele, atijabule tinhlitiyo talabafuna Simakadze.

1 Tikhronike 16:35

Khalani kuye nitsi: ‘Sisindzise, Nkulunkulu longuMsindzisi wetfu, sibutse usikhulule etiveni, kuze sibonge Libito lakho lelingcwele, kuze sigungubale ngeludvumo lwakho.’

Tihlabelelo 13:5

Kepha mine ngetsembele emseni wakho; inhlitiyo yami iyawujabula ngensindziso yakho.

Tihlabelelo 28:7

Simakadze ungemandla ami nesihlangu sami, inhlitiyo yami yetsembele kuye. Wangisita, ngako inhlitiyo yami igcunyagcunyiswa yinjabulo. Ngiyawumbonga ngengoma yami.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Johane 16:22

Kunjalo-ke nakini, kwamanje niselusizini, kodvwa ngitawuphindze nginibone futsi, tinhlitiyo tenu tiyawujabula kakhulu. Kute futsi umuntfu loyakunemuka loko kujabula kwenu.

Sembulo 4:8

Tonkhe letidalwa letine tatinemaphiko lasitfupha sisinye, tinemehlo yonkhe indzawo, ngephandle nangekhatsi. Tatihlabelela imini nebusuku tingakhawuli titsi: “Ingcwele, ingcwele, ingcwele iNkhosi, Nkulunkulu, Somandla, labekhona, nalokhona, nalotako!”