Tihlabelelo 33:18 - Siswati 1996 Bible

Empeleni liso laSimakadze likulabo labamesabako, yebo labo labetsemba umusa wakhe,

Tihlabelelo 33:18 Referencias Cruzadas

1 Emakhosi 17:6

Emahhwabayi abemletsela sinkhwa nenyama njalo ekuseni nasentsambama, bese unatsa kulowo mfudlana.

2 Tikhronike 16:9

Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”

Ezra 8:22

Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.”

Jobe 36:7

Emehlo akhe akawesusi kulabalungile, ubabeka kanye nemakhosi etihlalweni tebukhosi, abaphakamise kokuphela.

Tihlabelelo 111:5

Ubapha kudla labo labamesabako, sivumelwane sakhe uyasikhumbula phakadze naphakadze.

Tihlabelelo 13:5

Kepha mine ngetsembele emseni wakho; inhlitiyo yami iyawujabula ngensindziso yakho.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 52:8

Kodvwa-ke mine ngifana nesihlahla lesiluhlata, nemncumo losendlini yaNkulunkulu. Umusa waNkulunkulu lomile ngetsembele kuwo phakadze naphakadze.

Jeremiya 37:21

Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

1 yaPhetro 3:12

Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”