Tihlabelelo 32:6 - Siswati 1996 Bible

Ngako-ke wonkhe longcwele uyawuthandaza kuwe ngesikhatsi usenekutfolakala. Ngempela ngesikhatsi emagagasi etinhlupheko adlondlobala, angeke amkhukhule.

Tihlabelelo 32:6 Referencias Cruzadas

Tihlabelelo 144:7

Yelula sandla sakho wena Longetulu, ngikhulule, ungenyule etikhukhuleni temanti lanemandla, ungenyule nasesandleni sebetive,

Tihlabelelo 4:3

Kodvwa kufanele nati kutsi Simakadze utehlukanisele lolungile. Simakadze uyangiva nangikhala kuye.

Tihlabelelo 40:3

Wafaka ingoma lensha emlonyeni wami, ingoma yekudvumisa Nkulunkulu wetfu. Labanyenti bayawubona bamesabe, babeke litsemba labo kuSimakadze.

Tihlabelelo 42:7

Ngiva umsindvo wemanti lageletako, titiba nemabhudlo timemetana todvwana, shangatsi ngigujetelwa ngemagagasi netikhukhula temfula logcwele.

Tihlabelelo 91:7

Labatinkhulungwane bangawa eceleni kwakho, nalabatinkhulungwane letilishumi bawele ngasesandleni sakho sekudla, kodvwa wena usale ungenamyocu.

Taga 1:28

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 55:6

Funani Simakadze asenekutfolakala; mbiteni asesedvute.

Johane 7:34

Nitangifuna, kodvwa ngeke ningitfole, ngobe lapho ngiya khona, ningeke nine nikhone kuta.”

2 kubaseKorinthe 1:4

Yena uyasidvudvuta etinhluphekweni tetfu tonkhe; kuze labo labasetinhluphekweni sibe nemandla ekubadvudvuta ngaleyo ndvudvuto lesiyemukela kuNkulunkulu.

2 kubaseKorinthe 6:2

Ngobe utsi: “Ngikuvile ngesikhatsi lesifanele; ngakusita ngelilanga lensindziso.” Lalelani la, “sikhatsi lesifanele” ngiso lesi; “lilanga lensindziso” ngilo lona leli.

1 kuThimothi 1:16

Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.

kuThithusi 2:12

Lomusa usifundzisa kutsi sikudzele kungakholwa, nekutsi sitilumule etinkhanukweni telive, bese siphila ngekuzitsa, nangekulunga, nangekumesaba Nkulunkulu kulomhlaba,