“Nzuzo yini leyawutfolakala ngekubhujiswa kwami, nangabe sengiye ethuneni? Bantfu lese babuyele elutfulini bangakubonga yini? Bangakhuluma yini ngekwetsembeka kwakho?
Ngingeke ngife, kodvwa ngitawuphila, ngibalise ngemisebenti yaSimakadze.
Kute lokukhumbulako ekufeni. Ngubani lokudvumisako nje ethuneni?
Ngakhala kuye ngemlomo wami kudvumisa yena kwakuselulwimini lwami.
Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.
Ngobe lidliza lingeke likudvumise, nekufa ngeke kutigambute tibongo takho; labo labashona phansi emgodzini bangeke babeke litsemba labo ekwetsembekeni kwakho.