Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”
Tihlabelelo 29:2 - Siswati 1996 Bible Libito laSimakadze linikeni bukhosi lobulifanele. Khontani Simakadze ngetembatfo tebungcwele. |
Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”
Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.
Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.
Shangatsi lutsandvo lweNkhosi lenguNkulunkulu wetfu, lungabasetikwetfu. Shangatsi ungawubusisa umsebenti wetandla tetfu; yebo, phumelelisa umsebenti wetandla tetfu.
Ngobe wena, Simakadze, unguLosetikwako Konkhe, ubusa umhlaba wonkhe, uphakeme ngetulu kwabonkulunkulu.
Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.