Tihlabelelo 28:2 - Siswati 1996 Bible

Lalela livi lekuncusa kwami, nangikhalela kusitwa nguwe, nangisaphakamisela tandla tami endzaweni yakho lengcwelengcwele.

Tihlabelelo 28:2 Referencias Cruzadas

1 Emakhosi 6:19

Lingekhatsi lelingemuva ethempelini walenta indzawo lengcwelengcwele, lapho bekutawubekwa khona libhokisi lesivumelwane saSimakadze.

1 Emakhosi 6:5

Elubondzeni lwendlu lenkhulu lengekhatsi kanye nakulolo lwendzawo lengcwelengcwele lengekhatsi wakha sitezi lesasitungelete lithempeli, lapho bekunaletinye tindlu tasemaceleni ayo.

1 Emakhosi 8:38

nase kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo enhlitiyweni yakhe, aphakamise tandla takhe atibhekise kulelithempeli,

2 Tikhronike 6:13

Manje-ke abesakhe idayasi yelitfusi leyayingemamitha labengaba mabili nesigamu budze, nemamitha labengaba mabili nesigamu bubanti, nekuphakama lekwakungaba limitha linye nesigamu, wase uyibeka ekhatsi nendzawo kulesibuya lesasingephandle. Wakhuphuka wema kulendzawo lephakeme, wase uguca phansi embikwaso sonkhe sive sema-Israyeli waphakamisa tandla takhe watibhekisa ngasezulwini.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 130:2

Vani kukhala kwami, Simakadze, ngive nangicela lusito kuwe.

Tihlabelelo 134:2

Phakamiselani tandla tenu endzaweni lengcwele, nibonge Simakadze.

Tihlabelelo 138:2

Ngiyawukhuleka embikwelithempeli lakho lelingcwele, ngibonge libito lakho ngenca yemusa wakho nekwetsembeka kwakho. Ngobe libito lakho nelivi lakho uliphakamisele ngetulu kwako konkhe.

Tihlabelelo 140:6

Ngatsi kuwe, Simakadze: “Wena unguNkulunkulu wami.” Nkhosi, ngive nangikhalela lusito kuwe.

Tihlabelelo 141:1

Ngikhala kuwe, Simakadze; vani livi lami, nangikhala kuwe.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Tihlabelelo 63:4

Ngako-ke ngiyawukubonga, yingci nangisaphila; ngiyawuphakamisa tandla tami, ngikhuleke kuwe.

Sililo 2:19

Vuka ukhale kusengusebusuku, ngesikhatsi balindzi bangena emsebentini wabo, utfulule inhlitiyo yakho njengemanti ebukhoneni baSimakadze. Phakamisela tandla takho kuye ngenca yetimphilo tebantfwana bakho lasebacaleka ngenca yendlala, ekucaleni nasekupheleni kwato tonkhe titaladi.

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Danyela 6:11

Lamadvodza ase ayahamba asicumbi aya kuDanyela, afike amkhandza athandaza kuNkulunkulu acela lusito.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.