Tihlabelelo 18:6 - Siswati 1996 Bible

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe, kuncusa kwami, nekukhala kwami, nekuthandaza kwami kwangena etindlebeni takhe.

Tihlabelelo 18:6 Referencias Cruzadas

2 Samuweli 22:7

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe. Kuncusa kwami, nekukhala kwami, nekuthandaza kwami kwangena etindlebeni takhe.

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

Tihlabelelo 11:4

Simakadze usethempelini lakhe lelingcwele, sihlalo sebukhosi saSimakadze sisezulwini, emehlo akhe ayacaphela, emehlo akhe avivinya bantfu emhlabeni.

Tihlabelelo 120:1

Nangisekuhluphekeni, ngiyakhala kuSimakadze, yena angiphendvule.

Tihlabelelo 34:15

Emehlo aSimakadze akesuki kulabalungile, tindlebe takhe atisuki ekukhaleni kwabo.

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 55:5

Ngiphetfwe kwesaba nekutfutfumela, neluvalo selungicedze emandla.

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Makho 14:36

Watsi: “Aba, Babe, konkhe kungenteka kuwe. Yendlulise kimi lendzebe yelusizi, noko kungayi ngentsandvo yami kodvwa kuye ngentsandvo yakho.”

Imisebenti yebaPhostoli 12:5

Ngako-ke Phetro walondvolotwa ejele, kodvwa libandla belithandaza limncusela kuNkulunkulu.

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.