Tihlabelelo 18:42 - Siswati 1996 Bible

Ngabagaya baba njengelutfuli lolupheshulwa ngumoya, ngabasaphata njengeludzaka lwendlela.

Tihlabelelo 18:42 Referencias Cruzadas

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

Jobe 27:9

Nkulunkulu utakuva yini kukhala kwakhe, nasahlaselwa lusizi nenhlupheko?

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Taga 1:28

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 25:10

Emandla aSimakadze ayakuyengama lentsaba, kodvwa Mowabi utawunyatselwa phansi ngetinyawo, njengetibi natigcotjwagcotjwa emcubeni.

Isaya 41:2

Ngubani lochukulute lomunye kutsi esuke emphumalanga, wambitela ekulungeni kutsi ahlangabetane nekuncoba kuso sonkhe sinyatselo? Tive utinikela kuye, atfobise emakhosi embikwakhe. Ngenkemba yakhe uyabagucula babe lutfuli, nangebutjoki bakhe uyabaphephula njengemakhoba.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Malakhi 4:3

Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.