Tihlabelelo 18:3 - Siswati 1996 Bible Ngikhala kuSimakadze, bese uyangephula etitseni tami. Akadvunyiswe Simakadze! |
LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”
Akabongwe Simakadze lolidvwala lami, lowente tandla tami tafundzela kuhlasela neminwe yami yafundzela kulwa.
Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.
Simakadze mukhulu, ufanele kubongwa kakhulu, ubongeka ekhaya laNkulunkulu wetfu, lekuyintsaba yakhe lengcwele.
Kuyawuze kube ngunini nidvumela lendvodza nine nonkhe kuze niyibulale? Injengelubondza lolutjekele kuwa, nanjengelutsango loludzilikako.
Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.
Bani lidvwala lesiphephelo kimi, lengingaphephela kulo nome nini, wena lowayala kutsi ngisindziswe, ngobe nguwe lidvwala lami nesiphephelo sami.
Angasho kuSimakadze atsi: “Wena usiphephelo sami nenqaba yami, unguNkulunkulu wami lengetsembele kuye.”
Simakadze mkhulu, ufanele kudvunyiswa kakhulu, ufanele kwesatjwa kunabo bonkhe bonkulunkulu.
Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.
“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”